Popular Bible Verses from एहुना 12

Паҳн кунед

तोनोंगीग ईंगे सेवा दो, हाँय ईंग तयोमरे वेग इदा अरू ईंग दोहोनता हना ततेररे हाँय होंय दोहोनता। ईंगे सेवाता हाँय, ईंग अपांगे मान मरजइतता।

अनँयगराः जीव बगराय दुलारता हाँय, अनँयग जीवे केड़े एंडा अटूता। मनदो नाःआ चउंदीसरे अनँयग जीव मेरेय दुलारगेता हाँय, ओरो टुटीगनेना हना जीवे पवाःता।

अपे ईंगपे अयूम! गोहोम बिहान ओतरे वेरकेडखन मेर गुजुः दो, हना बिहान हनन इया दोहो जुवाःता। गुजुःतान दो हना बिहानते मुरुक जांगगुःता।

ईंग चउंदीसरे मरसल इयायिंग वेगकिया अरू ईंग एचेरेय बिसवासगे हाँय, अंदरारे ओरोय दोहोनेना।

ईंगराः सरवने अयूमता मनदो हना सरवन इया मेरेय सलाःता हाँयग होड़ ईंग मेरिंग फड़ियावगेयता। ईंग चउंदीसरिकुःआ होड़कू फड़ियाव लगा मेरिंग वेगगना, मनदो हँकू सडावकू लगायिंग वेगकिया।

दो मरियम आधा लिटर मुरुक किमइतराः नपाय महक जटामसी सुनुम ईसूराः काटरेय तिलाःतेरा अरू आँयग ऊबते कटते जोडतेरा। अरू हना सुनुम हना ओड़ाः पेंदा जमारे गह-महाःआ।

दो हँकू किता डइड़ साबतेडखन हाँय सुदा जुमाः लगाकू सेनेडा। अरू मुरुक सटीतेकू कताया, “होसनना! परबूराः ञावतेय वेगता हाँयग होड़राः जीव भगवान भलावाय, इसराएलरीग राजाराः जीव भगवान भलावाय।”

दो ईसू कता उदुःतेरा, “मनुवारीग बेटातराः मान मरजइत होयाःराः बेला सोदोरयना।