Popular Bible Verses from Yohanes 6

Паҳн кунед

Kato Yesus ko sia', “Aku ninam roti inyo moonji'i hidup. Somuo urakng inyo datakng ko aku, co kalo kolaparan agi'. Somuo urakng inyo pocayo ko aku, co kalo korahakan agi'.

Inyo bulah monsio hidup ia'an Roh Allah. Kokuatan monsio co nyiant gunonyo pakai' nantai. Pomandiran inyo Ku padahan nantai boasal doi' Roh Allah. Pomandiran nantai ulih moonji'i hidup inyo sobondarnyo.

Jangan bokorojo pakai' bogoyap pomakatn inyo copat buru' ongko habis. Apo bokorojocam pakai' mondapat'an pomakatn inyo tahatn sampai hidup somanah-manahnyo. Ana' Monsio inyo paca'an moonji'i pomakatn nantai ko kaitn. Obai, Allah Bopai udah mombutian obai Sionam moutus Ana' Monsio.”

Obai, ni'in kohonda' Allah Bopai-Ku: ia'an oca' somuo urakng inyo moniant Ana' huatan pocayo ko Io, sia' paca'an mondapat'an hidup somanah-manahnyo huatan Aku paca'an mombulah sia' hidup agi' watu ahir joman.”

Timbas Yesus ko sia', “Ni'in pokoroja'an inyo dikohonda'i Allah: ia'an oca' kaitn pocayo ko Io inyo udah diutus Allah.”

Apo, somuo urakng inyo Allah Bopai-Ku onju' ko Aku, sia' paca'an datakng ko aku. Somuo urakng inyo datakng ko aku, sia' kinyo paca'an Aku tula'.

Timbas Simon Petrus, “Tuhatn, conyiant ado siku' urakng bukai inyo koi paca'an tuyut! Pomandiran Duatn moonji'i hidup inyo somanah-manahnyo.

Aku ninam roti hidup inyo udah turutn doi' sorugo. Urakng inyo bopua' roti ni'in paca'an hidup somanahnyo. Roti ninam isi-Ku inyo paca'an Ku sorahan pakai' boko urakng di dunia oca' sia' ulih hidup inyo sobondarnyo.”

Conyiant ado siku' urakng pan ulih datakng ko aku kocuali Allah Bopai mombaba'nyo ko Aku inyo diutus Allah. Aku paca'an mombulah io hidup agi' watu ahir joman.

Obai, roti doi' Allah ia'an Sio inyo turutn doi' sorugo, inyo moonji'i hidup inyo sobondarnyo ko boko urakng di dunia.”

Aku ninam roti inyo moonji'i hidup.

Yesus monguti' roti nantai, moucap'an torima' kasih ko Allah, lalu mombagi-bagiannyo ko somuo urakng inyo dudu' di siatn tai. Ubo nian jam, Sio mombagi-bagian ikatn nantai. Somuo sia' makatn sampai konyang. Lopas sia' konyang, Yesus bopandir ko boko murid-Nyo, “Kumpulan ba kolobihan pomakatn nantai, jangan sampai ado inyo dipolobu'i.”

Lopas sia' bokayuh kiro-kiro lima' damo onam pal, sia' moniant Yesus bojalatn di pucu' ara'i mondampiki porohu nantai. Sia' gola' bondar. Apo Sio bopandir ko Sia', “Jangan gola'! Ni'in Aku!”