Popular Bible Verses from Yohanes 19

Паҳн кунед

Lopas Yesus mominum ara'i anggur nantai, Sio bopandir, “Tuntukam!” Lalu, Sio monundu'an kopala'-Nyo, monyorahan kosih-Nyo.

Yesus tohu obai boko pokoroja'an-Nyo udah tuntukam. Obai nantai, Sio bopandir, “Aku korahakan!” Sio mongatoan nantai oca' pomandiran inyo ditulis di Buku Suci digonapi.

Di dampikng indai Yesus ado murid inyo kotakng dikasihi Yesus. Pas Yesus moniant sia' duo, Sio bopandir ko indai-Nyo, “Indai, anggap ja'am io ana' duatn watu ni'in!” Sio jam bopandir ko murid-Nyo nantai, “Watu ni'in Sio monjadi ubo indai kolai!” Soja' doi' nantai, murid-Nyo nantai monorima' indai Yesus diapm di rumahnyo.

Apo, pas sia' sampai ko Yesus, sia' moniant obai Sio udah mati. Jadi, sia' kinyo momatahan kaki-Nyo. Apo ado projurit inyo monumba' porut Yesus. Darah agatn ara'i lansukng mongalir koluar.

Nantai tojadi ko bangkai Yesus oca' lapo inyo ditulis di Buku Suci digonapi. Ni'in pomandirannyo: “Conyiant tulakng-Nyo inyo dipatahan.” Ado jam ditulis di Buku Suci: “Sia' paca'an moniant Sio inyo udah sia' tumba'.”

Yesus siku' mo momikul kayu salib-Nyo ko tompat inyo disobut “Tompat Tongkorak”. (Dalapm baso Ibrani tompat nantai disobut “Golgota”.)

Boko projurit nantai moanyam lou' sama'an mahkota duri, lalu mongona'an di pucu' kopala'-Nyo. Sia' mongona'an jubah ungu ko Sio.