Popular Bible Verses from Yohanes 14

Паҳн кунед

Timpu watu Aku botula', Aku moonji'i sonang-asau-Ku ko kaitn. Sonang-asau-Ku inyo Aku onju' ko kaitn, bukainyo sama'an ponyaman inyo dunia onju'. Jadi jangan golisah. Jangan gola'.

Kato Yesus ko io, “Aku samo sama'an jalatn inyo bondar pakai' mongonal Allah, jalatn inyo monuju ko kohidupan inyo sobondarnyo. Aman ado urakng inyo honda' datakng ko Allah Bopai, ongkah molalu'i Aku am jalatnnyo.

Lalu Yesus bopandir ko boko murid-Nyo, “Jangannam hati kaitn golisah! Pocayocam ko Allah. Pocayocam ko aku.

Apo nononyo Bopai paca'an moutus Roh-Nyo ko kaitn dalapm damo-Ku. Roh Allah nantai ia'an Ponulukng. Sionam inyo paca'an momadahi somuo la'apo pan ko kaitn. Sio jam paca'an moingant'an kaitn paca'an somuo inyo Aku udah pandiran ko kaitn.

Sotiap urakng inyo monorima' boko porintah-Ku huatan molabuhannyo jam, io ia'an urakng inyo bondar-bondar mongasihi Aku. Sotiap urakng inyo mongasihi Aku, io paca'an dikasihi Bopai-Ku. Aku pan paca'an mongasihi io. Aku paca'an moniant'an diri-Ku ko io.”

Aku paca'an minto ko Bopai, lalu Sio paca'an moonji'i Ponulukng inyo bukai ko kaitn. Sio paca'an molabuhan nantai oca' Ponulukng nantai ado bosamo kaitn somanah-manahnyo. Ponulukng nantai ia'an Roh Allah inyo monunju'an somuo inyo bondar. Boko urakng di dunia inyo co pocayo, sia' kinyo ulih monorima' Roh Allah nantai, obai sia' co moniant Sio, co mongonal Sio. Apo, kaitn mongonal Sio obai Sio ado bosamo kaitn huatan nononyo Sio bodiapm dalapm hati kaitn.

lalu Aku paca'an molabuhan apo saja' inyo kaitn pinto dalapm damo-Ku. Aku paca'an molabuhannyo, oca' Aku ulih monunju'an obai Bopai Ku mulia Aman kaitn minto apo saja' doi' Aku dalapm damo-Ku, jadi Aku paca'an molabuhannyo.”

“Aman kaitn mongasihi Aku, kaitn paca'an monaati boko porintah-Ku.

Ado banya' kodiapan di rumah Bopai-Ku. Aku holuam botula' ko su'utn pakai' monyiap'an tompat bodiapm pakai' kaitn. Aman hal nantai kinyo bondar, co mungkitn Aku monjanjian hal inyo sama'an nantai ko kaitn.

Lopas Aku botula' monyodia'an tompat pakai' kaitn, Aku paca'an bobali' agi' lalu mombaba' kaitn ko tompat nantai. Aku paca'an molabuhan nantai oca' di mono Aku ado, di santai jam kaitn ado.

Tomas bopandir ko Sio, “Tuhatn, koi co tohu ko mono Duatn botula'. Jadi, sama'an apo koi tohu jalatn ko su'utn?”