Popular Bible Verses from लूका 9

Паҳн кунед

येसु सबोय लोकुरकुन इतुर: “बोरे नावा परके वासुन नावा चेला बनेमायाना इच्चा कियानुर ते, ओर आपुना इच्चा अनि योजनातुन तासिस दरोज आपुना कुरुस ताहच आपुना पकाय तकलिपतुन सहेनकिस नावा परके वायिर।

बोर आयि आपुना जिवातुन पिसिहला हुळानुरक ते ओरकुन परमेस्वरना संग मन्ता अनन्ता काळता जिवा नष्ट आयार, मति बोर आयि नावा साटि आपुना जिवातुन हियानुर ओरकुन परमेस्वरनासंग अनन्तकाळता जिवा पुटार।

असके येसु ओर मानेयतुन, “बोर आयि नांगेल पुहानपा परके मिळिन्च हुळान्तोर ओर परमेस्वरना राज्यता लायेक हिलेर” इदाम इतुर।

मति बोरे मानेय दुनियाता सबोय सुख अनि शान्तितांग वस्तुनुंग पुटहानुर अनि ओर आपुना आत्मातुन नरकता पकाय तकलिप साटि हरचियानुर ते ओन बाताल फायदा मन्दार?

अनि बोर आयि मानेय नाकुन अनि नावांग पोल्लोनुंग वेहान साटि लज्जा आयनुर ते, ओना बारेते नना मानेयतोर मरि वने आपुना बाबोना अनि पवित्र स्वरगदूतनांग महिमासंग दुनियाता न्याय कियान साटि वायाना दियाते लज्जेमायका।

असके येसु ओर मानेयतुन उत्तर हितुर, “कोल्याहकुन मन्दान साटि पान्जांग मन्तांग अनि पिटेनुंग मन्दान साटि गुडांग मन्तांग, मति नना मानेयतोर मरिन तला इरान साटि वने बगाय जागा हिले।”

अनि येसु चेलालोरकुन इन्तोर, “नावा पोरोयदे बोर येर नुनान गिरदाते मानेमायनुर ओर नाकुन वने मानेमायनुर; बोर नाकुन मानेमायनुर ओर मानेय नाकुन लोहवाल परमेस्वरतुन मानेमायनुर। बाक्याकि मिया पयकि बोर हुडलोनताल हुडलोर आन्तोर ओर सबोय लोकुराताल हजोर आयनुर” इन्जोर इतुर।