Popular Bible Verses from लूका 6

Паҳн кунед

अनि निमाट हियाकिट, ते मिकुन परमेस्वर वने हियानुर। मिकुन काहचुन हियानपा पुरा निहचुन नोवच-नोवचुन अनि हालेह किस-किसुन तुरनाहकिन मिकुन हियानुर, बाक्याकि निमाट बदाम काहचुन हिंतोरिट, अदे काहचते परमेस्वर मिकुन हियानुर।”

समजदार मानेय आपुना मन्दा मतांग सोबाय भण्डारतिगाडाल सोबातांग पोल्लोंग वेहान्तोर अनि किन्तोर, अनि खराब मानेय आपुना खराब मन्दिगडाल खराब पोल्लोंग वेहान्तोर अनि किन्तोर; बाक्याकि मन्दिगा बोद निन्ज मन्ता अदे ओना टोडिताल पसियान्ता।”

मति निमाट ते आपुनोर दुश्मन लोकुरासंग मया किम्ट, अनि ओरा भलायि किम्ट, उदारि हिता ओद मिकुन मलस पुटार इन्जोर भरोसा इरमा, इद भावते निमा दुसरो लोकुरकुन उदारि हिम्ट। असके मिया साटि स्वरगतिगा हजोर आशिष मन्दार, अनि निमाट सबोयताल हजोर परमेस्वरनोर बालक आयकिट। बाक्याकि परमेस्वरना धन्यवाद केवोरकुन अनि दुष्ट लोकुरकुन वने परमेस्वर दया किन्तोर।

अनि स्वरगतोर बाबाल बदाम दया किन्तोर अदामे निमाट वने दया किम्ट।”

येसु ओरकुन असा इतुर, “निमाट बोने दोष हेमाट, ते मिकुन वने दोष हेवोर आयनुर। अनि निमाट बोने दन्ड साटि न्याय केमाट ते मिकुन वने न्याय केवोर आयनुर। अनि निमाट दुसरोन मापि कियाकिट ते मिकुन परमेस्वर वने मापि कियानुर।

येसु ओरकुन इतुर, “नावा पोल्लो केन्जवालोरकुन नना इन्तोना: निमा आपुना दुश्मनिन मया किम, अनि निकुन होंग किन्तोरक ओरकुन निमा भला किम, अनि मिकुन सराप हिन्तोरक ओरकुन आशिष हिम्ट, अनि मिया अपमान किन्तोरक ओरा साटि प्रार्थना किम्ट।

दुसरो लोकुरक मियासंग सोबाय कियाला पहाजे इदाम मिया इच्चा मन्ता अदामे निमाट वने ओरासंग सोबाय किम्ट।”

अनि निया उन्दि कोरवितिगा पिटहानुर ओना मुने दुसरो कोरवितुन वने मुनेह किसिम। अनि निया बिलान्कट ऊन्दनुर अनि ओर असा निया कराना बन्डितुन वने तलकानुर ते अदेन ओयान साटि परवांगि हिम्ट। निकुन बोर आयि तलकानुर ते अवेन हिम अनि निया चिजतुन बोरे ऊन्दनुर ते ओना कयदाल अदेन मलस पुटान साटि तलक्मा।

येसु असा इतुर, “खराब मरातिगा सोबातांग कायांग हाद परोंग, अनि सोबाता मरातिगा खराब कायांग हादिला परोंग।

सबोय मराकतांग कायाते मराकुन पुन्तोर; बाक्याकि लोकुरक मरका मराताल अन्जीरतांग कायांग कोयोरक, अनि गोटि मराताल अंगुरतांग कायांग कोयोरक।