Popular Bible Verses from मत्ती 10

Паҳн кунед

“देखा, हम तोंहईं पंचन काहीं गड़रन कि नाईं डगरन के बीच माहीं पठइत हएन, एसे तूँ पंचे साँप कि नाईं चतुर अउर परेबा कि नाईं भोले-भाले बना।

जे कोऊ अपने प्रान काहीं बचाबत हय, उआ ओही गमाई; पय जे कोऊ हमरे खातिर आपन प्रान तक देंइ काहीं तइआर रही, उआ ओही पुनि पाई।

अउर जे तोंहरे देंह काहीं नास कइ सकत हें, पय आत्मा काहीं नास नहीं कइ सकँय, उनसे न डेरा, बलकिन उनसे डेरा, जउन तोंहरे देंह अउर आत्मा दोनव काहीं नरक माहीं डारिके नास कइ सकत हें।

अउर जे कोऊ आपन क्रूस उठाइके हमरे पीछे न चली अरथात दुख-तकलीफ सहिके, हमरे बातन काहीं न मानी, उआ हमार चेला बनँइ के काबिल नहिं आय।

जे कोऊ मनइन के आँगे इआ मान लेई, कि हम यीसु मसीह के चेला आहेन, ओही हमहूँ स्वरग माहीं रहँइ बाले पिता परमातिमा के आँगे इआ मान लेब, कि ईं हमार चेला आहीं। पय जे कोऊ मनइन के आँगे इआ कही, कि हम यीसु मसीह के चेला न होंहेन, त हमहूँ घलाय स्वरग माहीं रहँइ बाले अपने पिता परमातिमा के आँगे इआ कहि देब कि ईं हमार चेला न होंहीं।”

अउर बिमारन काहीं नीक किहा, मरेन काहीं जिआया, कोढ़िन काहीं सुद्ध किहा, अउर बुरी आत्मन काहीं निकाल्या, इआ अधिकार तोंहईं सेंत-मेंत मिला हय, अउर सेंत-मेंत माहीं दिहा।

एसे तूँ पंचे न डेरा; काहेकि पिता परमातिमा के नजर माहीं तूँ पंचे ऊँ गउरइअन से जादा कीमती हया।

इआ न समझ लिहा, कि हम धरती माहीं मेल-मिलाप करामँइ आएन हय; हम मेल-मिलाप करामँइ नहीं, बलकिन फूट डारँय आएन हँय।