Popular Bible Verses from ལུ་ཀ་ལེའུ་ 12

Паҳн кунед

འདི་བཟུམ་སྦེ་རང་ ཁྱེད་ཆ་ཁྱབ་ཡང་ཨ་རྟག་ར་གྲ་སྒྲིག་འབད་སྡོད་ ག་ཅི་སྨོ་ཟེར་བ་ཅིན་ འཐོན་འོང་ཟེར་མནོ་བསམ་རང་མ་གཏང་པའི་དུས་ཚོད་ལུ་ མིའི་བུ་ཡང་འོང་ནི་ཨིན་ཟེར་ཡེ་ཤུ་གིས་གསུངས་ནུག

དེ་བ་འདི་ ཧེ་མ་དཀོན་མཆོག་གི་རྒྱལ་སྲིད་ནང་འགྱོ་ནི་འདི་འཚོལ་ དེ་ལས་ཁྱེད་ལུ་དགོ་མི་ག་ར་གནང་འོང་།

ད་རུང་ཡེ་ཤུ་གིས་ རིགཔ་བསྒྱིམ་སྟེ་བལྟ་ དེ་ལས་འདོད་པ་དང་ཆགས་སེམས་ཀྱི་རིགས་ཚུ་ལས་དྲན་པ་བཏོན་ ག་ཅི་སྨོ་ཟེར་བ་ཅིན་ མི་ཚེ་ངོ་མ་འདི་ རྒྱུ་ནོར་ལོངས་སྤྱོད་རྐྱངམ་གཅིག་གིས་མི་ལངས་ཟེར་གསུངས་ནུག

ག་ཅི་སྨོ་ཟེར་བ་ཅིན་ ཁྱེད་ཀྱི་རྒྱུ་ནོར་ག་ཏེ་ཡོད་སར་ དེ་ཁར་ཁྱེད་ཀྱི་སེམས་ཡང་ཆགས་སྡོདཔ་ཨིན་ཟེར་གསུངས་ནུག།

ཁྱེད་ཀྱིས་ཚ་གྱང་ལངས་ཏེ་ ཁྱེད་རང་གི་མི་ཚེ་འདི་ ཁྱུ་གང་ཡང་ཕར་རིངམ་སྦེ་བསྣར་ཚུགས་ག།

ཡེ་ཤུ་གིས་ད་རུང་ཁོ་རང་གི་སློབ་མ་ཚུ་ལུ་ ང་གིས་ཁྱེད་ལུ་སླབ་དོ་ ཁྱེད་རང་གི་མི་ཚེ་གི་དོན་ལུ་ག་ཅི་ཟ་ནི་ཨིན་ན་ ལུས་ཀྱི་དོན་ལུ་ག་ཅི་གྱོན་ནི་ཨིན་ན་ ཚ་གྱང་ལངས་མི་དགོ།

དེ་བཟུམ་སྦེ་རང་ ཁྱེད་ཀྱི་མགུ་ཏོ་གི་སྐྱ་གཅིག་ཡང་མ་ལུས་པར་ དཀོན་མཆོག་གིས་གྱངས་ཁ་མཁྱེན་ དེ་འབདཝ་ལས་བརྟེན་ཏེ་ ཁྱེད་འདྲོག་མི་དགོ་ བྱི་ཅུང་ལེ་ཤ་ཅིག་ལས་ཡང་ ཁྱེད་རིན་གོང་སྦོམ་ཨིན་ཟེར་གསུངས་ནུག།

ངེའི་གཅེས་ཕྲུག་ཚུ་ མ་འདྲོག་ ཁྱེད་ཀྱི་ཡབ་ཀྱིས་ ཁྱེད་ལུ་ཁོ་རང་གི་རྒྱལ་སྲིད་གནང་ནི་ལུ་ཐུགས་དགྱེས་ཏེ་ཡོད།

དཔེ་གཅིག་འབད་བ་ཅིན་ ཨོ་ལ་ཚུ་ལུ་བལྟ་བ་ཅིན་ ཁོང་གིས་སོན་མར་བཏབ་ནི་ཡང་མེད་ ཡར་བརྔ་ནི་ཡང་མེད་ ཁོང་ལུ་འབྱུ་བཞག་སའི་འབྱུ་ཁྱིམ་ཡང་མེད་ དེ་རང་ཨིན་རུང་ དཀོན་མཆོག་གིས་ཁོང་ལུ་ཟ་ནི་གནངམ་ཨིན་ བྱི་ཅུང་ཚུ་གི་ཚེ་ལས་ཁྱེད་ཀྱི་མི་ཚེ་འདི་ དཀོན་མཆོག་གི་དོན་ལུ་ཁག་ཆེ་དྲགས་ཨིན།

ག་ཅི་ཟ་ནི་ཨིན་ན་ ག་ཅི་འཐུང་ནི་ཨིན་ན་ཟེར་མནོ་སྟེ་ ཚ་གྱང་ལངས་ཏེ་འཚོལ་མི་དགོ།

དབའེ་ ཁྱེད་དད་པ་ཆུང་ཀུ་ཚུ་ ཞིང་ཁར་གྱི་རྩྭ་ ད་རེས་ཡོད་མི་དེ་ ནངས་པ་སྐམ་སྟེ་ མེ་བཏང་བཀོ་ནི་དེ་ལུ་ དཀོན་མཆོག་གིས་བདག་འཛིན་འཐབ་གནང་པ་ཅིན་ ཁྱེད་ལུ་ཨ་ནི་ལས་ཡང་ལྷགཔ་སྦེ་ བདག་འཛིན་འཐབ་ མི་གནང་ག།

ག་དེ་སྦེ་རང་མ་མཐོངམ་སྦེ་སྦ་བཞག་མི་དེ་ཚུ་ ཤུལ་ལས་རང་བཞིན་གྱིས་ ཕྱི་ཁར་འཐོན་འོང་ གསང་བཞག་མི་འདི་ ནམ་གཅིག་གི་ཚེ་ག་ར་གིས་ཤེས་འོང་།