Popular Bible Verses from Luka 17

Паҳн кунед

I dəba ŋa ya, Yesuw a gwaɗa a wele ata: «Hitse, ka daba. Megìse yak ana kì gis iye i gəzləŋ yak a, aka mbəl à kər.»

Na bəla aka gek bakal sik təsəla i huɗ mehinne ilik a tekeɗe ibam ka, dite i dəba ŋa ya a dere a təv yak a hiywe, a wiz aà kər a məpala à bakal a ka, ki pìlewer a dər pəra.»

Mìsle ŋgiɗ ilik ika magər tar a, a samata ba ŋgar ana a mbəl a ka, a mbəɗ gər a dəba, a təv Yesuw, nda mazàmbàɗà à Mbulum ŋgarra. A daha ka, a kal aba aka miɗ Yesuw, luz a tike yemere a bəɗ, dite a ger kəkaaha. Ama wele ata ka, gà Samariya.

Ama kinehe ka, gwim metsehe lele, kaslum ba kurum. Na wele ana aka ne damər yak, bəla aka ge bakal ka, tsiker ahər, ɗifer à ndzer ŋana. Na kà samata ka, aka mbəɗ à madzala gà gər ŋgar, aka miyak à bakal ata ka, pə̀lar à bakal ŋgar.

Yesuw a gwaɗar: «Gà mburma kurwa ŋa ata ana tàa mbala fit tsiye? Gà tswiɗ ŋa aaha dze ana, i ŋga?

Batsah tar ŋa a gwaɗa a tar aaka: «Na mege kàa gəsum iye a gəzləŋ kurum kwizikw, kamala wur meserek a tekeɗe, ki slwim aà megweɗe a a batsah kàvə̀ra aaha: <Ndzàh ba i faha ya, ka tə dzəv ba a batsah duluv aaka> ka, à gis a ahəm kurum.»

Wur ana aka sasar məmbə̀là à mesife ŋgar ɗa ika gər ahəɗ a ka, a dzeye a dər seyiŋ ivaɗ. Ama wur ana a dzeye a à mesife ŋgar aɗaba iye ya ka, a mbil a dər ivaɗ asa.

I dəba ŋa ya, Yesuw a gwaɗa a gà ɓəzla mazazama ŋgat: «Gà duwa a riŋ kəla pat na ta bene a gà mburma a bakal a dukw ŋgar. Ama wur ana a ne madəŋ bakal ŋa ya ka, waya ba ŋgar a. Seriye Mbulum ana a le ahər a ya ka, ŋgulum tə̀ danar batsah zal kur a ɗa, dite tì yè a dər akaba ŋgat a batsah duluv, ndəna a bene a medzibe gà ɓəza aaha ta gis iye ya, a bakal a.

Ama dukw ana a ge ba akahər Nuhu ata ya ka, a ta ge a ba a pat ana iye, wur ana a dara i təv Mbulum a, i mère a ya mbaŋa. Akahər ata ka, gà mburma ta mətsa aà maŋgayaba, mazəmaya gà dukw mezime, nda masàyà gà dukw mese. Tə ndzakawa daala, tə dzayawa gà dəm tar a zal, haa a pat ana Nuhu a pəts a ga ŋgar ata a làmbaɗa aà masuwaya dər ika gər yam a. Dite i dəba ŋa ya, yam batsah ŋa a dara kuɗa, a rah aka gər ahəɗ fèɗìɗe, a dzeye à gà asiŋ gà mburma ata fit.