Popular Bible Verses from Luka 13

Паҳн кунед

«Mərum aba aà mede ndaka biye hərmaga ana hinne tsiye. Aɗaba iye ihər, i gweɗe a kurum a nda ndzer: Gà mìsle ŋgiɗ a riŋ hinne a ti ses a ter a aà mede ndaka vatwa ata, ta waya mimbile, ama ti sle a tsa.

Məkəs duwa a riŋ ŋgwala tsa, sitene i ba ŋgar, i liwiŋ gà na ti dze a zləm a bazlam ŋgar ata i fataya. Ama sitene ata aka ndza ihər ka, daga mive kurwa gəra tsamakər. Aka geha à ŋgat a bəɗ fit kweleŋ. Aka ŋguv akaba ŋgat. A sle a aà mehitse ndiɗ asa tsa. Aləka Yesuw a ŋgatar ka, a zalaraha a təv ŋgar. Aləka a daha ka, a gwaɗar: «Məkəs aaha, kàa mbəl i dukw məməta yak a.»

A dza ahər aka məkəs ata. I fataya tsara ka, a hitse ndiɗ lele kuɗa. Dite a dza ba aà mazàmbàɗà a Mbulum.

Ama kuɗa kəla ka, gà asiŋ gà mburma ana kinehe, ti tike tar aà ahər tsiye ka, ti ti ne a gà ɓəzla aka miɗ mba ika miɗ Mbulum. Dite gà asiŋ gà mburma ana kinehe ta gwa, gà mər ŋa ya ka, ti ti ne a gà ɓəzla dəba ika miɗ Mbulum mbaŋa asa.»

Na mala ga aka hitse, aka hə̀ndə̀k a ga gədzə̀zl ka, ki ti ndzwim a i bəra. Ki dzwìm a ba aà malàkàyà a biye hərmaga, ki gweɗwimerehe a: <Kamkam Əbay, hə̀ndə̀k a mər i ga ya te.> Ama a gweɗe a kurumara a ka: <Kurum gà là? I sər kurum tsa.>

A riŋ tsa. Iye ihər i gweɗe a kurum ŋa: Ama na kàa mbəɗum à gà gəzləŋ kurum tsəka, ki ta metwim a fit kamala tar ata ya mbaŋa.»

Ama a ta gweɗe a kurumara a asa: <Kurum ana, gà la? Iye ka, i sər kurum tsa, dum i təv ga ya. Kurum ka, ki slwim a aà madàra a faha ya tsa. Aɗaba bakal a riŋ a be a kurum ka, hinne.>

I dəba ŋa ya, Yesuw a gwaɗa a tar: «Mekwere Əbay Mbulum a ndzikiɗ ba ana, dukùla? I geye a dər akaba ana, nda dukùla? A ndzikiɗ ba ka, wur dukw ana hinne tsa, kamala wur meserek a, wura a zle a, a slige a a gùvàh ŋgar a. I dəba ŋa ya, wur dukw ata a sliliŋa, a gil a ba, a ne a dizl ɗaf batsah ŋa, dite gà ɗiyeŋ ti dehe a, ta ŋgereye a ga tar aà ahər ŋa.»