Popular Bible Verses from Panagnaan 24

Паҳн кунед

Pag-anu siꞌ, kuwan panghuluꞌ tindog looy lay maku duwaa, yuk na, “Ū Papuꞌ, meꞌ kau Tuhan ma sinumba meꞌ tuwan ku si Ibrahim, llaw tuu bong siꞌ numan ni kahandak nu, tabangan doꞌ ku mari sampulnaꞌ maksud ku pitu. Junjung ku na ningkau, poun na timbang nu ni tuwan ku.

Bong mintu ku bay muhun ni dangan mmeꞌ nginum, boꞌ lay du ku pinainuman sampay lay gi mintu painum na ga untaꞌ kami, ilooy na sipat iya na danda peneꞌ nu man mahandān ata nu si Isahak. Bong mintu bay na magkadarihan meꞌ looy, tumatandaꞌ na niyaku tud maaseꞌ ko ni tuwan ku.”

Dari siꞌ, lay na si Ribeka boo si Isahak pa lumaꞌ imuwa nneꞌ na si Sara sampay lay na sila kinawin. Boꞌ tud maaseꞌ ya banahan ni si Ribeka. Dari labba mandooy, lay na pakulang karukkaan na ni bay kapatoy nneꞌ na.

Pag-anu, lay gi si Ribeka pinakuhan supaat meꞌ mimon jama lumaꞌ na, yuk da, “Kamura-murahan Nang binuwanan du ko meꞌ Tuhan laksaꞌ-laksaan panubuꞌ. Maka kamura-murahan man tabang Tuhan, ā jaꞌ mimon banta da meꞌ da.”

Sapahan nu na pa Papuꞌ ku Tuhan, ilooy ma magbayaꞌ ni sulgaꞌ sampay ni junyaꞌ, basta daa pihān nu anak ku si Isahak nda bong kinawnan ntuu ni bangsa Kanan. Arapun pilay ko pa mman baanan kakampungan ku ni bay paglahat ku, boꞌ ndooy na pahandān nu anak ku.”