Popular Bible Verses from मत्ती 6

Паҳн кунед

बेनसे पैल्‍ह परमेश्‍वरक राज्‍य ओ उहाँक धार्मिकतक खोजी करो, यी सब चिज परमेश्‍वर टुँहन देहीँ।

काल्‍हिक लाग चिन्‍ता जिन करो, काल्‍हिक समस्‍या काल समाधान हुई। आझुक दुःख आझुक लाग धेर बा।”

“उहओर्से मै टुँहन कहटुँ, आपन प्राणक लाग का खैम, का पियम कैक ओ आपन शरीरक लाग का लगैम कैक चिन्‍ता जिन करो। जीवन खैना चिजसे ओ शरीर लगैना लुगासे बरा नैहो का?

टुह्र प्रार्थना करबेर क्‍वाठम जाओ ओ ड्‍वार लगाक गुप्‍तम रना टुन्‍हक परमेश्‍वर बाबसे प्रार्थना करो, ओ गुप्‍तम करल काम देख्‍ना परमेश्‍वर बाबा टुँहन इनाम देहीँ।

“टुह्र असिक प्रार्थना करो: ‘हे स्‍वर्गम रना हमार बाबा, अप्‍नक नाउँ पवित्र ह्‍वाए। अप्‍नक राज्‍य आए। अप्‍नक इच्‍छा स्‍वर्गम जसिन बा, ओस्‍तहँक यी पृथ्‍वीम पूरा ह्‍वाए।

हमन हरेक दिनिक खाना आज फे दी।

हमार अपराध क्षमा कैदी, जसहेँक हमार विरोधम अपराध करुइयन हम्र क्षमा कैरख्‍ली।

हमन परीक्षम जिन लैजाई, ओ दुष्‍टसे हमन रक्षा करी। [काकरकि राज्‍य, शक्ति ओ महिमा सड्‌डभर अप्‍नक हो।]’

टुन्‍हक विरोधम अपराध करुइयन क्षमा कर्बो कलसे, स्‍वर्गम रना बाबा फे टुन्‍हक करल अपराध क्षमा करहीँ।

आकाशम उर्ना चिरैँचुरुङ्‌गन हेरो ना। हुँक्र ना बुइट, ना कट्‍नी कर्ट, ना त अनाज बखारीम जम्‍मा कर्ट, तर फे स्‍वर्गम रना बाबा हुँकन खवैठ। टुह्र उ चिरैँचुरुङ्‌गनसे धेर मूल्‍यवान नैहुइटो का?

“पृथ्‍वीम आपन लाग धनसम्‍पत्ति जिन कुह्र्‍याओ, जहाँ कीरा ओ खिया खैठा, ओ च्‍वार चोर्क लैजैठ। बेनसे स्‍वर्गम आपन लाग धनसम्‍पत्ति जम्‍मा करो, जहाँ ना कीरा, ना खिया खाइट्‍, ओ च्‍वार फे नैचोर्ट। काकरकि जहाँ टुन्‍हक धन रही, उहँ टुन्‍हक मन फे रही।

“कुई फे दुइ मालिकन्‍हक सेवा कर नैस्‍याकट्। काकरकि ऊ एकजहन हेल्‍हा करी, एकजहन प्रेम करी, कि जुन एक जन्‍हक कहल मानी, एक जन्‍हक मतलब नैकरी। टुह्र फे परमेश्‍वर ओ धनक सेवा कर नैसेक्‍नेहुइटो।

आज रना ओ काल आगीम फाँकजैना घाँसह त परमेश्‍वर असिक सँप्रैठ कलसे, उहाँ टुँहन झन् नैसँप्रैहीँ का? खै टुन्‍हक विश्‍वास?

बेनसे कौनोजहन देहबेर टुँहार दाहिन हाँठले देहल बाउँ हाँठ समेत थाहाँ जिन पाए। असिक टुन्‍हक देहाइ सुटुक्‍क ह्‍वाए। तब सब चिज देख्‍ना परमेश्‍वर बाबा टुँहीन इनाम देहीँ।

येशू कटीगैल, “मनैन देखाइक लाग धर्मकर्म जिन करो, नकि त टुह्र स्‍वर्गम रना आपन बाबसे कुछु इनाम नैपैनेहुइटो।

“जब टुह्र ब्रत रबो, तब कपटीन्‍हकअस अन्‍धार मुह् लगाक ब्रत जिन रहो। काकरकि हुँक्र त मनैन देखाइक लाग आपन मुह् अन्‍धार करैठ। जाट्‌टीसे मै टुँहन कहटुँ, हुँक्र आपन इनाम पास्‍याकल बाट। तर टुँ ब्रत रहल समयम आपन कपारिम त्‍याल लगाओ, ओ मुह् धोओ। टुँहार ब्रत मनै नाहीँ, तर गुप्‍तम रना परमेश्‍वर बाबा देखहीँ, ओ गुप्‍तम देख्‍ना परमेश्‍वर बाबा टुँहीन इनाम देहीँ।