Popular Bible Verses from लुका 13

Паҳн кунед

“चुकुवाहुत्‍हुत्‌ओ लाप्‍तिखोप्‌दाङ्‌का निनाम्‍हाङ्‌ओ अ़चुहाङ्‌होन्‌दा वाङ्‌मा लामानिन। देकिनालो अ़ङ्‌का खानानिन लोनानिन, ब़द्‍धे म़नाचि वाङ्‌मा म़लाम, खोन्‍नुछाङ ऩऱनिन।

खोन्‍कि मोदा अ़क्‍छा मेत्‍छामा याआङा। मो अथारकादोङ बुयादाङ्‌का चाकावालावाआ लाउकि कुङ्‌ताखारायुङ्‌सा। खोन्‍कि मो मेत्‍छामा फेमान्‍चिन्‌ङा मान्‍ऱयाङ। येसुआ मो मेत्‍छामा अ़खाकि अ़चुबुदा अ़बुत्‍ता, खोन्‍कि खो अ़लोवा, “आनो, खाना आम्‍सारिमादाङ्‌का त़नुवा।”

खोन्‍कि येसुआ अ़चुछुक मो मेत्‍छामाएदा अ़युङ्‌सा, खोन्‍किना मो च़क्‍नि फेसालोन्‍ताकि निनाम्‍हाङ्‌ओ अ़चुऩङ लोङ्‌मा पुङ्‌सु।

खोन्‍कि एनानुम, देङ्‌दा कालिचि बुया म़लि, खोन्‍कि बुया कालिचि देङ्‌दा म़लि।”

खिम्‍हाङ्‌पा पुक्‍लोन्‌कि लाप्‍तिखोप छेक्‍तुचिउनालो खानानिन बुङ्‌खाया त़एविन्‍कि लाप्‍तिखोप मोक्‌याङ्‌सा, ‘हाङ्‌पो, आन्‍कान्‍का लाप्‍तिखोप होत्‍निप़नि!’नि य़ङ्‌मा त़पुङ्‌सुम। खोन्‍किना खोसाआ ऩलासिन्‍लोन, ‘खानानिन खादाङ्‌का त़तान्‌ओ, खानानिन साङ्‌चि ओ अ़ङ्‌का अ़सिन्‍नानिमिन।’

अ़ङ्‌का खानानिन लोनानिन। माआङ, खानानिन्‌छाङ आम्‍नुओ हेवादाङ्‌का त़लासिमिन्‌नालो झारा मोवात्‍निङा त़लुक्‍तिन।”

मेन खोसाआ ऩलोन, ‘अ़ङ्‌का खानानिन लोनानिन, खानानिन खादाङ्‌का त़तान्‌ओ, खानानिन साङ्‌चि ओ, अ़ङ्‌का अ़सिन्‍नानिमिन। अ़त्‍लो काचि कामुचि ओ, खानानिन झारा अ़ङ्‌काएदाङ्‌का खारालावानिन!’

खोन्‍किना येसुआ म़लोचि, “निनाम्‍हाङ्‌ओ अ़चुहाङ्‌होन दिवात्‍नि मुयाङ? मो अ़ङ्‌का देत्‍नि तोङ्‌सुङ्‌खाङ? निनाम्‍हाङ्‌ओ अ़चुहाङ्‌होन ओवाको ओ: अ़क्‍छाआ प़सैओ अ़ल़वा खात्‍तुकि अ़व़क्‌दा वेत्‍तु। खोन्‍कि मो पोन्‌कि अ़क्‌तात स़ङ्‌ताङ्‌वात्‍नि झोन्‍लो लि। नाम्‍छ़ऱदुओ छोङ्‌वाचि मोसोओ अ़खेक्‌चिदात्‍नि याङ म़पाक।”