Popular Bible Verses from Matayo 13

Паҳн кунед

Na ito andeeṛwa uteriń unuru ito yye ulya akee yaranya kirero na ikimanya. Ito yye akee ivika filimu. Umwi kavika iyana, na ungi makumi arindaru na ungi makumi araru.

Na ito andeeṛwa miingeń ito yye ulya aaranyaa kirero kawarwa ni utaṛawu lwa isanga li na ilembwa mmasaa, nafo fikafwa kirero kyo nta ivika kilimu.

Nndu woose aaranyaa kirero kya umangi atakimanyi, nkituva ulya ansheaa akyute-fo kilya kyeenroongwaa nrimiń wamwi. Uu yye andeeṛwa shień.

Na ito andeeṛwa maweń, ito yye ulya aaranyaa kirero kyo kakiwaria na ifura. Kake awore mirarii kari kamwi ndi. Akaa kwa kyeeri kyaangu. Ili ishaa ngatara ana yumbutwa kiimba kya kirero kyo, lia eni kalemwa.

Lingi umangi lwa iṛuvewu luvakani na masaa eendikwaa si nremiń. Neeli nndu andeakooya-fo eeremaa kalikya ninnsha kafura nnu. Kaenda kandekumba findo foose eeworee kauṛa nrema ilya.

Tingi tikawa uteriń unuru tikavika filimu. Kimwi kikavika iyana na kingi makumi arindaru na kingi makumi araru.

Tień fińine andu emwi foose kumande kyeeri kya iminya. Na kyeeri kya iminya llyo niaa valya vaminyaa: Sańiṛyeń mbele masinde alya, mufinge myanda akoṛwa. Kake umbi muusańiṛye makumbiń akwa!