Popular Bible Verses from Jua 1

Паҳн кунед

Ta̱nga xu̱ta̱ xi kitsijaꞌo Én ku kisꞌejínre nga̱tꞌaꞌe, kjindiꞌe Namiña Diuu̱ tsꞌuya.

Nga kjia ngují najmi baꞌangire̱ nga̱sunde, je tukua kjitjián xi ꞌmí Én. Namiña Diuu̱ je tukua kjitjiánre Én, ku Namiña Diuu̱ xi ꞌmí Én.

Ku ndiꞌi xi tsitsején jma nga ni̱tje̱n, ¡ku ngují najmí xi ma tsikjixundu!

Kuí xi Én kiꞌmí kꞌui kisꞌejñajínña ku xuku xu̱ta̱ nga̱sunde kisꞌebixi. Kuyájni mí ngaꞌñu xi tjínre xuku Kjindi ngututuꞌe Namiña Diuu̱, nga̱tꞌa je ikújni nga tjitsitjojni ku nga kuí xi kju̱a̱xikjain.

Én xi kitsindá ngieje najmi, ku ngují najmi kundá tsa najmí Én. Én xi kitsin nga̱tꞌaꞌe kju̱a̱mijñachun, ku Én xi kju̱a̱mijñachun, tekuácha ndiꞌi xi tsiꞌasénña.

Ni̱tjin xima nganchajun, kube Jua nga ndiba tiña Kjesuu. Ku kꞌi̱a̱ ku̱a̱cha kitsúre̱ xu̱ta̱ xi sindutku: «¡Kꞌui ndiba chu̱tsa̱ngaꞌe Namiña Diuu̱ xi tsitsje kju̱a̱xaba xi tjínre xu̱ta̱ nga̱sunde! Tukuitsa nga̱tꞌaꞌe nga tsichatꞌájnu Namiña Diuu̱ ngieje jee xi tjínjnu.

Je tukua kitjián Én nga̱sunde. Namiña Diuu̱ xi kitsindá nga̱sunde Ku xi én kichjichjen, ta̱nga kitsiꞌinjínre xki̱ yajo̱ꞌe xu̱ta̱. Ku nga̱sunde jiꞌíkꞌejñajínña Én, ta̱nga kitsijaꞌojí na̱xi̱nandaꞌe.

Ku kui asen je kju̱a̱xikjaen je xati kju̱a̱ꞌi nga̱sunde.

Moise kitsichjén Namiña Diuu̱ nga kitsuyáña kju̱a̱kixiꞌe, ta̱nga Kjesukristo̱ kitsichjén nga kitsuyáña nga tjitsitjoña ku nga kui xi kju̱a̱xikjain. Najmí xi je kube Namiña Diuu̱; ta̱nga Kjindi ngututuꞌe, xi tiña kitjiánre Namiña Diuu̱, xi tekuácha Namiña Diuu̱, ikúña kúcha tjin kju̱a̱kitakunꞌen. Nga̱tꞌa ꞌñu tse nga titsitjoña Kjindiꞌe Namiña Diuu̱, kui kju̱a̱ nga tse kju̱a̱ndá tjisakúña.