Popular Bible Verses from Jâŋ 10

Паҳн кунед

Ə ntsǒŋ tô yé pə́ lə̂ njú, pə́ lə̂ njwí, pə́ lə̂ mbə́ghʼ ngər; lə́ məŋ, n nkə tô zâa pə́ lə̂ ngʉ́ pye-mə́soŋ pə́tsəm ghwo lənyâŋ shʉʼʉ, ə́ kwaʼ wěi pə̂ ntsəm.

Mə̂ŋ mbapə mbî yi shʉʼʉ, mbapə mbî yi shʉʼʉ ŋə̂ tû yé ńté mbî yé.

Mbî zâa zûʼ nji zâa ə́ ndə̌i, m mə̂ njî gháp, gháp pə̂ ŋə̂i nzəm məŋ.

M mə̂ ŋə̂ gháp ləcwôr tə me, gháp láʼ nkə́ nkwʉ̂tə gháp po, ŋuu kə́ mbóu kuʼ yé lə̂ fú mbô məŋ mpfú gháp po.

Mə̂ŋ lə̂ mbə̌ ntsʉ nkâʼ, ŋuu lə̌i ndéi lə́ məŋ ńkə́u nkâʼ a ghʉ̂ ncwór; mə́i a wo kə́u, ə́ pǒu nkwǎr ghíʼ a pə̌ nkǒŋ, ə́ ŋáa lǒu zə̂u yi mboʼ a zʉ̂.

Mə̂ŋ mbapə mbî yi shʉʼʉ, m mə̌ njî mbî zâa, gháp pou mə́ njî ghâa

Tə́ ghâa lə ŋə́ gháp lə́ məŋ, a ghwô mətəʉ ndêi ŋuu ntsəm, mboʼ cǒ ŋuu kuʼ yé lə̂ fú mbô zʉ́ ntsôghʼ có zə̂u po. Paghʼ Tə́ ghâa pə́ pə́ tâʼ ŋuu.»

ə́ ndʉŋ-ndʉŋ ghíʼ Tə́ ghâa pə̌ njî ghâa, n nkə̂ mə́ njî zâa Tə́ lə́wó. M mbou ŋə̂ tû zâa ńté mbî zâa.

Káa cǒ ŋuu kûʼ yé lə̂ njwí ghâa, lə́ n nkoŋ pə́ məŋ ə́ ŋə́ tû zâa. N ngwo mətəʉ lə̂ ndághʼ ńŋə́, ə́ ngwǒ mətəʉ lə̂ ndághʼ ḿpfú. Ə́ pə̂ zə̂u yi Tə́ ghâa lə lǎʼ ńgó məŋ ngʉ̂ zěi.»

Yěso kə̂ ncí ndáʼ lə́ páp ngô: «Məŋ ndaʼ wéi kwaʼ lə́nə́ʉ, mə̂ŋ ntsʉ nkâʼ mbî.

Ŋuu yi a faʼ yé ńdôu pə̂ nkâp, káa a pə̂ yé mbapə mbî yi shʉʼʉ, kâa mbî pə̂ yé pé. A lei tə njwó nye-njwi tô, a mêʼ mbî ńkhʉ̂ yé. Nye-njwi ghôu cǒ, pfuʼ zěi sêi.

Yěso kə̂ ncí ndâʼ ngô: «Kwaʼ lə́nə́ʉ məŋ ndâʼ wéi ńgó ŋuu lə̌i ndə́iʼ fú pə́ ntsʉ nkâʼ kə́u cər nkâʼ mənye po, ə́ nzéʼ pə́ lə́ tâa-nkâʼ mboŋə́ kə́u, mə́i ngaŋ ntsǒŋ, ə́ mbə́ fwôr.