Chauta atamva fungo lokomalo, adati, “Sindidzatembereranso dziko chifukwa cha zochita za anthu, chifukwa ndikudziŵa maganizo a munthu kuti ndi oipa kuyambira ali mwana. Sindidzaononganso zamoyo zonse monga ndachitiramu.
“Nthaŵi zonse m'mene dziko lapansi lidzakhalire,
padzakhala nyengo yobzala ndi nyengo yokolola.
Padzakhala nyengo yachisanu ndi nyengo yotentha,
nyengo yachilimwe ndi nyengo yadzinja,
ndipo usana ndi usiku zidzakhalapo kosalekeza.”