Popular Bible Verses from Mateo 2

Паҳн кунед

Kabiji pa kutwela mu nzubo bamwene Mwana kasa aji ne inanji Maliya, bamulambijile panshi ne kumupopwela. Ponkapo basolwele nsabo yabo ne kumupa bya bupetu, bya ngolode ne libona ne mola.

Kabiji Yesu, byo asemenwe mu Betelema wa mu Yudea mu myaka ya Heloda mfumu, ponkapo Bamaana ba ku musela basolomokele ku Yelusalema ne kwipuzha amba, “Lelo uji kwepi wasemwa Mfumu wa Bayudea? Mambo kabangabanga kanji twikamwene ku musela, kyo twaishila na kumupopwela.”

Ponkapo pa kwikamona kabangabanga, basekejile na lusekelo lukatampe lwine!

Kabiji byo bebajimwine kwi Lesa mu kiloto amba, “Kechi mubwele kwi Heloda ne,” babwelele kwabo mu jishinda jikwabo. Kabiji byo bafumineko, ponkapo malaika wa Nkambo wamwekele kwi Yosefwa mu kiloto ne kumwambila amba, “Buuka, utwale mwana ne inanji, unyemene mu Ijipita, ukekale monka poso nkakubuule, mambo Heloda ukakeba mwana amba, amwipaye.”