Popular Bible Verses from YOHANES 16

Паҳн кунед

Hit An men mangno roho wereg lit hinindi se roho welamuhuben obog toho ari hiyag hisaruk lahi. Hit kinangma wereg lit hinindi henekol toho welahepma Anden kinang aru apmayap tirikikmu hinindi yuwag toho welamuhup,” ulug hiyag isibag.

Allah hime fanowon tem ane urukon ino hit henembeg waruhureg tem toho peruk ane arimano obog toho Aren hiyag hisaruk laruhu. At inggareg indimuwen peruk ane fahet hiyag hisahu fug. Allahn ubam urukmu tam holuhu ane ari eneg hunubam uruk laruhu. Fobik aruhu ane fahet Aren tam fag toho hiyag hisaruk laruhu.

Hit men ambiyeg welatukuk angge ketiya oho An nunuk fam misig oho heng tarikip fug. Heng tiyok, heng tuhupmu Nikniyen og hisahumu mondabi henehiyeg toho welamuhup.”

Hinindi anggin toho welahep angge famen An lahukon fam hit fano welamuhuben Anden tem toho hiyag hisaruk lahi. An lele fugmu let heneptukon ino henembeg walep fug angge famen An lahukon ariyen let heneptukon ino hit henembeg monde fik waruhuk. Monde fik waruhukmu At inowen kinangman unggum kong turuk lit hit ap kinangmonen siyag ane ari turuk lit pikir ane tu embeserikip ulug ap inindi anggarap enebuhu.

Ihiyon ari hag toho hit ketiya hinindimu anggin toho welahep angge famen Anden hit yet hisahukmu hinindimu henehiyeg toho welamuhup. Ap ekeyen oho henehiyeg toho welamuhubon ari elehap tuhu fug. Teko lahu sambil ino hiren mun ane man ane fahet An nubam kapal niyahup fug. Mun ane man ane fahet hiren Nikni fam heng tuhupmu An nunuk fam Aren og hisahu. Ari tem toho hiyag hisaruk lahi.

Fong watuk lit uba yatuk lamuhup angge famen ap kinangmonen enehiyeg hahup. Hit hinindi anggin toho welamuhup angge famen hinindi se aruhumu henehiyeg toho welamuhup. Ihi ane aru tem toho hiyag hisaruk lahi.