Popular Bible Verses from KAJAJIYANG 6

Паҳн кунед

Massessekaléni pura pancajiwi mennang sibawa taroi mennang ri linoé. Makkuwamani massesse'na

Naitani PUWANGNGE pékkugi jana sining tauwé ri linoé; sininna pikkiranna mennang tuli majai.

Iyakiya Nuh napésennangiwi atinna PUWANGNGE.

Iyanaé riwaya'na Nuh. Mappunnaiwi tellu ana' worowané, iyanaritu Sém, Yafét sibawa Ham. Dé' napogau'i Nuh salaé, sibawa alé-aléna bawang tau tongeng ri wettunna. Tuwoi sibawa maréppé ri Allataala.

angkanna makkeda, “Maélo-Ka pabbinasai tolinoé iya puraé Upancajiro, sibawa topa manu'-manu'é sibawa olokolo laingngé, saba' massessekalé-Ka pura pancajiwi mennang.”

Tattamba maéganana tolinoé sibawa massanra ri sininna linoé, sibawa ana'-ana' makkunraié rijajiyang, naitani mahlu'-mahlu' ilahié makkedaé iyaro ana'-ana'daraé magelloi. Nanakawingini mennang ana'-ana'dara iya napojiyé. Nanakkedana PUWANGNGE, “Dé' Upalaloi tolinoé tuwo mannennungeng; mennang ritu mahlu' dé'é namannennungeng, harusu'i maté. Mappammulai makkekkuwangngé umuru'na mennang dé' matu nalebbi 120 taung.” Ri wettuénnaro, sibawa rimunrinnato, engka sining tau rassasa ri linoé. Mennang wija-wijanna ana'-ana'dara tolinoé iya kawingngé sibawa mahlu'-mahlu' ilahié. Iyaro sining tau rassasaé iyanaritu sining pahlawang battowa sibawa sining tau tarompo riyolo.

Napogau'ni Nuh sininna iya napparéntangngé Allataala lao ri aléna.

Nanakkeda Allataala lao ri Nuh, “Purani upettui untu' paccappui atuwonna sininna mahlu'é. Maéloka paccappui mennang silaong linoé, nasaba pennoni linoé sibawa abeccokenna mennang.

Ebburenni alému séddi kappala' polé ri aju iya masse'é; ébburengngi bili'-bili' ri lalenna, sibawa lapiriwi kamalo polé ri laleng sibawa polé ri saliweng.

Natironi Allataala linoéwé nabanna ja bawang naita, saba' sininna tauwé majai atuwonna.

Tiwini muttama ri kappala'éro sikaju lai sibawa sikaju komba polé ri tungke' rupanna manu'-manu'é sibawa olokolo laingngé, kuwammengngi dé' naccowé mennang binasa.