Popular Bible Verses from 1 Musa 15

Паҳн кунед

Percaya ngo si Abram taba JAHOWA, kemulihkenna i, ijalo JAHOWA ngo ia sipesennangken atèNa.

Enggo kessa i, idah si Abram mo JAHOWA ninganna mendokken bana, “Ulang ko mbiar alè Abram, Kupaluah ngo ko ibas mara nai, janah kuberèken bamu upah mbellen.”

Nai iarahken JAHOWA mo si Abram mi ruar janah nina mbangsa, “Tarè mo mi langit i, janah oji lebbè memilang bintang-bintang i, bagè buè bintang i mo pemparenmu.”

Nai idengkoh si Abram nola mo idokken JAHOWA tabasa, “Oda ngo hambamu i sigabè merhak ibas hartamu, tapi kennah anakmu sendiri ngo.”

Nina JAHOWA mo mbangsa, “Èngèt mo, gabè ginemgem mo pemparenmu i ladang ndèba; gabè hamba mo kalak i i sidi janah ipacik empat ratus tahun dekkahna.

Tapi nina si Abram mo, “Alè JAHOWA Sintèmbul i, oda lot iberèken kono anak bangku. Nai gabè pellin si Eliezer kalak Damaskus i mo mersidasaken hartangku. Jadi kadè mo labana iberèken kono bangku upah mbellen alè JAHOWA?”

Tikala bagi mo merpadan JAHOWA dekket si Abram. Nina JAHOWA mo, “Kupadanken mo ukum tanoh èn kuberèken taba pinemparmu, mulai perbalengen tanoh Mesir soh mi laè Efrat

Enggo kessa empat cundut, balik mo kempu-kempumu mi sèn, ai oda ngo Kupuari kalak Amori, mèma sondel jahat kalak i janah perlu mo ihukum.”