Popular Bible Verses from MATIUS 5

Паҳн кунед

Wati wara dou makalea ilo, sawa'u b̄a ede mab̄onto ilo ede kai roa. Pala nawi'iku ta ese hid̄i ilo, loakud̄u mbeina taroa d̄i sanikina dou mawara d̄i ade uma ede. Ndede rau taroamu pab̄uapu mbei taroa d̄i tando dou, loakud̄u siad̄oho eda samenana karawimu ma taho, edempara roi rawadina Amamu d̄i saroga.”

Nggomid̄oho eded̄u taroa dunia. Kota ma wara ese wawo doro to'i wati loa d̄icili.

Taho ra ntikara dou ma raso adena; siad̄oho d̄imapata Ruma Hatalla.

Taho ra ntikara dou ma ne'e poda kalampa kane'ekai b̄a Ruma Hatalla; Ruma Hatalla d̄imambei kancihi siad̄oho!

Pala ake Nahu manggahi d̄i nggomid̄oho: meci ra ca'upu musu-musumu, ro do'a weapu dou-dou ma rakancoki nggomid̄oho.

”Taho ra ntikara dou ma iu rome ra dawa'u ro mawi'i weki d̄i Ruma mpoampa; Siad̄oho eded̄u anggota Karaja'an Saroga!

Taho ra ntikara dou ma wa'a dame d̄iwoha manusia; Ruma Hatalla namangakuku siad̄oho kai ana-ana ndai-Na!

Taho ra ntikara dou mancoki ade; Ruma Hatalla d̄imarere siad̄oho!

Taho ra ntikara dou ma susa ra ncoki rakancoki b̄a dou b̄ara karawina au rakane'e b̄a Ruma Hatalla; siad̄oho eded̄u anggota Karaja'an Saroga!

Taho ra ntikara dou ma kasi ade d̄i dou malakai; Ruma Hatalla d̄imakasi ade d̄i siad̄oho rau!

Taho ra ntikara nggomid̄oho, nggara b̄ara Nahuna nggomid̄oho d̄ikatuna ra kab̄awa, d̄ikancoki, ro d̄ikafitina. Nabi-nabi ma mori sawatipu b̄a nggomid̄oho rau, wa'ura kancoki b̄une nggomid̄oho. Kasanara ademu ro kad̄ihira ademu, b̄ara na'eku ufamu d̄i saroga rasadia wea b̄a Ruma d̄i ru'u nggomid̄oho.”

Taho ra ntikara dou ma kab̄awa weki; Ruma Hatalla d̄imambei au rasake-Na d̄i siad̄oho!

”Nggomid̄oho eded̄u sia dunia. Sia nawa'usi cab̄a sab̄ua loaku d̄ikandanga mbali? Watid̄u wara onena, malaisi d̄i pakira ro d̄itonda-tonda b̄a dou.

Amamu d̄i saroga nameci ra ca'uku samenana dou kai sampuruna. Nggomid̄oho rau pab̄uapu b̄une ede.”

Nggahimpa ’Io’ atao ’Wati’ ari mai b̄a ede ramaina ta Ibilis.”

”Nggomid̄oho mab̄adeku wara rau ngoa ra tei bune ake: isi mada cepe kai isi mada, woi cepe kai woi. Pala ake Nahu manggahi d̄i nggomid̄oho: Aina cola cepemu d̄i dou ma karawi ma'iha d̄i weki ndaimu. Nggara warasi dou matopa rawe wanamu, co'opu sia matopa wali rawe ku'imu.

Nggara mada wanamu makamaikaimu dosa, cingga pakipu isi madamu ede! Nancewi tahopu mbora sarunde anggota sarumbumu, b̄aib̄a sara'a sarumbumu d̄ipaki ade anaraka. Nggara rima wanamu makamaikaimu dosa, dompo pakipu rimamu ede! Natahopu mborana sab̄ae rimamu b̄aib̄a sara'a sarumbumu lu'una ade anaraka.”