Popular Bible Verses from Matius 24

Паҳн кунед

La mai'di tau ang dang nainsang ungkalemui solana, aka' tuhtuang kehängngäng to karake di lino. Ampo' tau ang tontong mampetahpa' lambi' kapuhaanna yato kamadahhaang inang la salama'.

Anna Kaheba Mapia didiona Kapahentaanna Puang Alataala la dipepainsangnging pano di ingkänna bohto di lino, anna malai nahingngi asang ingkänna tau. Puhaito yatoo, ya' mane katämpä'anna pole' lino.”

Anna ponna unghingngia' kaheba didiona to sitolla', bahtu' moi unghingngia' oninna, ya' dakoa' la pahallu mahea'. Aka' ingkänna yatoo inang pahallu la dahi ampo' tadiake' tempona la tallang lino.

Bohto ang mesa la kende' umbali bohto senga', anna katomarayaang ang mesa la kende' umbali katomarayaang senga'. La aha kabuhohangang anna lino' käyyäng di umba-umba naonge di lino. Ampo' ingkänna yato kadahiang, mane pampahandu'annaete' kamadahhaang ungngoloi lino bakahu, sinnoa mesa bahine ang mapi'di' aka' keänä'.

Langi' anna lino la tallang, ampo' ingkänna aka ang kutula' la tontong lolo nei' lambi' sapano-panona.”

Aka' mai'di tau la kende' umpake sangangku naoatee, ‘Kodi'mito indee To Dilanti' la Mepasalama'!’ lambi' la mai'di tau napasähsä' lalang.

Ponna dahing ingkänna yatoo, ya' la disahkamokoa' anna didahhakoa' lambi' dipateikoa'. La mai'di tau mangkahi'di'koa' di umba-umba naonge di lino aka' untindo'ä'. Anna mai'di di alla'na to pentindo'ku ang la umbahoi kapampetahpa'anna di Kodi', la umbeho solana dipatei anna la ungkahi'di' solana. La mai'di mengkalanda' tau ang unsanga kalaena nabi ampo' setonganna tadia, lambi' mai'di tau la nabulingngi kapampetahpa'anna di Kodi'.

Natimba'mi Puang Yesus naoatee, ”Madaka lolokoa' andana napasähsä'lalangkoa' tau senga'.

Dianto anna pahallu toukoa' dio sadia lolo, aka' Kodi' inde Änä' to Lino la suleä' di tempo ang daia' ungnginsang.

Dianto anna madakakoa' aka' inang darea'te' la ungnginsang pihhang tempona la suleä', Kodi' inde Dehatammu.

Napatahhi' bumi tula'na Puang Yesus naoatee, ”Didiona di pihhang la dahii ingkänna yatoo, dai aha mesa tau ang mala mangnginsang. Moi ingkänna malaeka' yaho di suruka, moi Kodi' inde Änä', datuke' Ko kuinsang. Supung Ambeku ang mangnginsang.

Aka' mai'di la sule ang unsanga kalaena ‘To Dilanti' la Mepasalama'’ ampo' setonganna tadiaetee'. Anna la aha toe' ang unsanga kalaena ‘nabi’ ampo' setonganna tadiaetee'. La umpapia ang mepusa'-pusa' anna malai disanga si'da ‘to pepasalama'’ bahtu' ‘nabinna Dehata,’ ampo' pahtuyunna la umbulitu' hupatau, moi petauanna Puang Alataala.

Anna umba noa ang hali dahi di tempona Nabi Nuh, la noa tuntone' la dahi ke lambi'mi tempona kasuleangku, Kodi' inde Änä' to Lino. Aka' umba noa sika nasa'ding dolu naonge dake' sompo' le'bo' dianto sika ma'sannang-sannang mande anna menu', sipakabeng-kabeng anna senga'nake' ang biasa sika nababe, lambi' sika mentamane' Nabi Nuh sibaha sanghapunna yato di kahpala' uhainna. Dai aha sika nainsang aka yato ang la dahi. Diarang sika nabängngähängngi, sompo'i le'bo' untallangngi ingkänna yatoii. La noa tuntone' dako' di tempo kasuleangku Kodi' inde Änä' to Lino.