Popular Bible Verses from Jɔ̃́ɔ́ 5

Паҳн кунед

“Ḿ cɛ̃ ɓě jǎà gbo, nyɔ mɔ̀ nyɔ ɓɛ́ ɔ wɔ̃́ ní wuɖuɔ̀, ké ɔ taɓa nyɔ mɔ̀ nyɔ ɖoɓoà ḿ wɛ̃ɛ hwìɖǐǐɛɛ ɓéɖé sè-ná-sèɛ̀ fɛ̀ɛ̀. Zaa se ɔ kpɔ̃ɔ́ mu. Ɔ ɖǎ mɛ́-mɛ́ mú sɔ̀, ké ɔ ɖǎ fɛ̀ɛ̀ mú mu.

Jízɛ̀ dyé ma ɓó ɔ dyi pɛ̃́ɛ. Ɔ dyuò kà wɛ́ɔ̀ ɖǎ ma gàaɔ̀ mú nì ɓó zɔ̃ pàɖǎ xwíníín nyɛ. Ɔ jèɛɛ, ɔ diè ma ɔ dyi, ké ɔ ɖá, “Nì mɔ́ ɓɛ́ m̀ ké dyi kánáà?”

Ɓě gmɔìn Gèɖèpɔ́ɔ̀-cèè-ɖɛ̀ ɓěɔ̀ múin, sepóɛɖé ɓě hwòɖǒ ɖá dyììn ɖé wa múɛɛ, ɓě mu sè-ná-sèɛ̀ fɛ̀ɛ̀ ɓéɖéìn. Ké céè-ɖɛ̀ ɓěɔ̀ cɛ̃ ní jè. Kɛɛ ɓě se wɔ̃́ ɓɛ́ ɓě ké ḿ gbo dyi, ɓɛ́ ɓě ké fɛ̀ɛ̀ ɓéɖé.

Ké Jízɛ̀ cɛ̃ɛ ma ɔ gbo, ké ɔ ɖá, “Sɔ̀ dyí, ɖú nì kɔ̃-pɛ̃́-ɖɛ̀ɔ̀ dyí, ɓɛ́ ḿ ké nà.” Wàɖà cá kɛɛ, gàaɔ̀ káná ma dyi. Ké ɔ ɖú ma ɔ kɔ̃-pɛ̃́-ɖɛ̀ɔ̀ dyí, ké ɔ nà ma. Ti ɓɛ́ ɖɛ nìà kɛ kpá ma kà kɛɛ mɔ̀ ma Gèɖèpɔ́ɔ̀ fɔ̀-wèɔ̀ ɓaɖa.

Ké Jízɛ̀ cɛ̃ɛ ma Júù-nyɔ̀ ɓěɔ̀ gbo, ké ɔ ɖá, “Ḿ cɛ̃ ɓě jǎà gbo, Dyú-gààɔ̀ ɖòùn se ɖɛ ɖò nyuɛ ɓɛ́ìn. Ɔ nyu ɖɛ ɓě ɓɛ́ ɔ dyé ɔ Ɓǎ nyuɛ kɛɛ ɖòùn. Ɖɛ Ɓǎɔ̀ nyu kɛɛ, ɖéɛ̀ Dyú-gààɔ̀ mɔ̀ùn nyu ɖekè.