Popular Bible Verses from Yohana 2

Паҳн кунед

UYeesu wágahaga ilibikha ili, mu lujinji lwa Kana ku nyi ya Galilaya. Ilibikha ilyo likhandi lya wutasi kiligaha, kiwonensa uwutupikho waakwe kwa vaanu. Kwa kiiva ya ilyo, avamanyisiwa vaakwe vamuhuviilila.

UYeesu wámugomosesa umaayi waakwe wáaja, “Nyineesu, kwashi wilogola ndeeno? Uluhaavi lwangu lusinaafishe.”

Baheene uYeesu wávajovela avavanda vala wáaja, “Mumemye amalenga mu nsimikho.” Woope vaamemya amalenga mu nsimikho mbakha pashaanya. Baheene uYeesu wávajovela wáaja, “Neji amalenga, mumupeele umuyimililaaji wa shiwungo sha noolana.” Woope vaagaha shishila.

UYeesu wávajovela wáaja, “Bojoli inanda iyi iya Nguluvi, one nisisenje khanji kwa nsiku sitatu.”

UYeesu pina wágaagaga ago, wáapota ulugalawo luve lujambo, wávadaga woona vina vakhandi viigusa mula, lumo ni ngʼombe ni nkholo. Wásigalavandula imeesa isa vina vibadiilisa ihela na kisikunula ihela saanave. Baheene uYeesu wávajovela vina vakhandi viigusa inkunda wáaja, “Siwuusi inkunda apa! Musikhagahaga inanda ya Daada wangu kiiva munaada!”