Popular Bible Verses from LUKASI 13

Паҳн кунед

“Lusani nga nungo dzoṱhe uri ni dzhene nga muṋango musekene; ngauri ndi a ni vhudza ndi ri: vhathu vhanzhi vha ḓo edzisa u dzhena vha kundwa.

Zwino henefho ho vha hu na muṅwe musadzi we a vha o no fhedza miṅwaha ya 18 a tshi lwadzwa nga thuṅwa ya Saṱhane. O vha a tshi vho tou dzula o gogovhala a sa koni na u onyolowa na zwiṱukuṱuku. Yesu a tshi mu vhona, a mu vhidza a amba nae a ri, “Khaladzi, vhulwadze haṋu ho fhola!”

A ralo a mu vhea zwanḓa, uyo musadzi a mbo ḓi onyolowa e tswititi, a renda Mudzimu.

Vhane vha vha vhone vhaṱuku zwino, vha vho ḓo vha vhone vhahulwane; vhane vha vha vhone vhahulwane vha vho ḓo vha vhone vhaṱuku.”

Muṋe wa nnḓu a vhuya a takuwa a hoṋa vothi, inwi ni ḓo ri no sala nnḓa ni tshi thoma u khokhonya ni tshi ri, ‘A vha ri vuleli-vho Muṋe washu!’ Ene a fhindula a ri, ‘A thi ḓivhi hune na bva hone.’

Na kathihi! Nṋe ndi ri: na sa rembuluwa ni ḓo lovha noṱhe u fana navho.”

Ndi hone Ene a tshi ḓo dovha a ni fhindula a ri, ‘Ndi ri a thi ḓivhi hune na bva hone. Ṱuwani hafha phanḓa hanga noṱhe inwi vhaitazwivhi!’

Yesu a ri, “Nṋa muvhuso wa Mudzimu u fana na mini; ndi nga tou u fanyisa na tshithu-ḓe? U fana na mbeu ya muhuyu ye muthu a i dzhia a i zwala tsimuni yawe; ya mela ya vha muri muhulu une na zwiṋoni zwa ḓa zwa fhaṱa zwiṱaha matavhini awo.”