Popular Bible Verses from JOHANISI 17

Паҳн кунед

Ita uri vha ḓikumedze Iwe nga u nambatela ngoho – ipfi ḽau ndi yone ngoho.

Zwino vhutshilo vhu sa fheli ndi u ḓivha Iwe u re Mudzimu wa ngoho u woṱhe, na Yesu Khristo we Iwe wa mu ruma.

“A thi humbeleli vhone fhedzi; ndi humbelela na vhane vha mpfulufhela vho pfa vhone. Ndi humbela uri vhoṱhe vha vhe tshithu tshithihi. Khotsi anga, kha vha vhe vhathihi na riṋe u ḓi nga Iwe u kha Nṋe, Nṋe ndi kha Iwe. Kha vha vhe tshithu tshithihi uri shango ḽi kone u tenda uri ndo rumiwa nga Iwe.

A thi khou humbela uri u tou vha bvisa fhano shangoni; tshine nda humbela ndi uri u vha tsireledze kha Muvhi.

Na Nṋe ndo vha ṋea vhugala he Iwe wa nṋea, uri vha vhe tshithu tshithihi unga Nṋe na Iwe ri tshithu tshithihi: Nṋe ndi khavho, Iwe ú kha Nṋe, uri vha tou vha tshithu tshithihi tshoṱhe; ndi hone shango ḽi tshi ḓo zwi vhona uri ndo rumiwa nga Iwe, na uri u a vha funa unga u tshi mpfuna.