Popular Bible Verses from MISHUMO 5

Паҳн кунед

Pitrosi na vhaḽa vhaṅwe vhaapostola vha fhindula vha ri, “Riṋe tshashu ndi u pfa Mudzimu u fhira u pfa muthu.

Vha ḓi dzula vha tshi funza na u ḓivhadza mafhungo maḓifha a uri Mesia ndi Yesu, vha tshi funza thembeleni na miḓini ya vhathu misi yoṱhe.

Pitrosi a mu vhudza a ri, “Ananiasi, nṋa no litshelani Saṱhane a tshi dzhena mbiluni yaṋu a ita uri ni zwifhele Muya Mukhethwa nga u dzumba iṅwe tshelede kha ye na i wana ni tshi rengisa tsimu? Ni sa athu i rengisa yo vha i si tsimu yaṋu naa? Na musi no no i rengisa, iyo tshelede yo vha i si yaṋu na? Nṋa no vha no dzhenwa nga mini ni tshi vhuya na ita zwo raliho? Zwino-ha a no ngo zwifhela muthu no zwifhela Mudzimu!” Ananiasi u pfa zwenezwo a mbo ḓi wela fhasi a fa. Vhoṱhe vhe vha zwi pfa vha farwa nga nyofho khulu.

Na henefha zwi nga ḓi ralo. Nṋe ndi tshi ni vhudza, ndi ri havha vhanna vha litsheni. Inwi sokonu vha lavhelesa ngauri arali zwine vha ita i mihumbulo ya muthu zwi ḓo pfuvha; hone arali zwi tshi bva kha Mudzimu ni nga si vha kone. Ni ḓo tshenuwa ni tshi vho lwa na Mudzimu.” Nyeletshedzo iyo ya Gamaliele khoro ya i ṱanganedza.