Popular Bible Verses from LUKA 12

Паҳн кунед

Nainwe nabo, mobe ang’e, ekiagera ensa motakagereti, nero Omwana‐o‐mwanyabanto arache.”

Korende rigia oboruoti bwa Nyasae, na ebinto ebio namomenterwe inwe.

Akabatebia, “Rigereria, erende korwa ase okogania okobe, ekiagera obogima bw’omonto tibori ase obonge bw’enibo yaye abwate.”

Ekiagera aase chinibo chiaino chire nao chinkoro chiaino chikoba.

Ning’o ore asemore oranyare gwechanda komenta ekerengo gi’okoboko okomo ase obotambe bwaye?

Agatebia aborokigwa baye, “Ase aya nabatebirie, timochandeka igoro y’obogima bwaino, eki morarie; gose ase emebere yaino, eki morabeke.

Nonya nechitukia chi’emetwe yaino chiabarirwe chionsi. Timoiroka; inwe imobuete rigori rie chinchiro chinyinge.

“Timoiroka inwe abamore omoganda omoke, ekiagera Iso oino ororire buya kobaa oboruoti.

Rigereria ebigonkoru, tibiri gosimeka, tibiri kogesa, tibiri nemonga gose ekiage, korende Nyasae nigo akobirageria. Na inwe imobuete rigori rie chinyoni!

Inwe, timorigia eki morarie, gose eki moranywe; gose timoba nomoyo bw’ogwechanda.

Onye Nyasae okoboyia obonyansi bw’egetii oboreo rero, na ankio botugutwe ase omorero, Inee, takomenta kobaboyia inwe abamore nokwegena ogoke?

Korende ing’ana rinde tiriri rimumekeirie, ritache koorokigwa, gose eribisekanete ritache komanyekana.