Popular Bible Verses from लूका 13

Паҳн кунед

“संगड़े दुराजे ले अंदर जाणे री कोसिस करा, क्यूंकि हांऊँ तुस्सा किन्हें बोल्हा कि, बौह्त एह्ड़े हूंणे जिन्हां जे अंदर जाणा चाहणा, पर नी जाई पाणा।

एक ज्नाने थी, जेस्सा जो ठारा साला ले एक दुस्टात्मे से कुबड़ी करी दितीरी थी। होर केसी भी तरीके ले से सीधी नी हुई सक्दी थी। होर जेबे यीसूए से देखी, तिन्हें से सादी लई, होर बोल्या, “हे जन्नाने, तू आपणी ब्मारी ले छुटी गई।”

तेबे तिन्हें तेस्सा पर हाथ रखे, होर से झटपट सीधी हुई गई, होर परमेसरा री बड़ाई करदी लगी।

होर ये जाणी लो कितने एह्ड़े जो ऐबे खास हुन्घे तिन्हा बादा मन्झ खास नी हूंणां, होर कितने ऐबे एह्ड़े जो खास नी ऐं तिन्हा बादा मन्झ खास हूंणां।”

जेबे घरा रा माल्क परमेसरा उठी किन्हें दुराजा बंद करी चुके, होर तुस्से बाहर खड़ी किन्हें दुराजे जो खटखटान्दे लगो होर अर्ज करदे लगे, ‘हे प्रभु आस्सा रे कठे दुराजा खोल्ही दे,’ होर से जवाब दे कि हांऊँ तुस्सा जो नी जाणदा, तुस्से कुणहें होर केथी ले आईरे?

हांऊँ तुस्सा किन्हें बोल्हा कि, बिल्कुल नंई; पर अगर तुस्से मन नी फेरघे ता तुस्सा सभिया भी इंहां ई नास हुई जाणा।

पर तेस बोलणा, हांऊँ तुस्सा किन्हें बोल्हा, ‘हांऊँ नी जाणदा तुस्से केथी ले आईरे? हे दुस्ट काम करणे वाल्यो! तुस्से सभ मेरे वाले ले दूर हुई जाओ।’

फेरी यीसूए बोल्या, “परमेसरा रा राज केस साहीं आं? होर हांऊँ तेसरा बखान केस किन्हें करूं? से राई रे एक दाणे साहीं आं, जेस जो केसी माह्णुंऐ लई किन्हें आपणे बगीचे मन्झ बाह्या: होर से बढ़ी किन्हें बौह्त बड़ी डाल बणी गया; होर आसमाना रे चिड़ुऐ तेता री पांगे पर बसेरा कितेया।”