Popular Bible Verses from यहून्ना 3

Паҳн кунед

क्यूंकि परमेसरे संसारा रे लोका किन्हें एह्ड़ा प्यार कितेया कि तिन्हें आपणा एकलौता मह्ठा देई दितेया, ताकि जो कोई तेस पर विस्वास करहे से नास नी हो पर अनंत जिन्दगी पाए।

क्यूंकि परमेसरे आपणा मह्ठा संसारा मन्झ इधी कठे नी भेज्या कि, से संसारा रे लोका जो सजा रा हुक्म दे पर तिन्हें से इधी कठे भेज्या कि संसारा रे लोक तेसरे ज्रीए उद्धार पाई सके।

यीसूए तेस जो जवाब दितेया कि, “हांऊँ तुस्सा किन्हें सच्च-सच्च बोल्हा, अगर कोई नंऊँऐं सिरे ले नी जम्मे ता से परमेसरा रा राज नी देखी सक्दा।”

जो परमेसरे रे मह्ठे पर विस्वास करहा, तेस पर सजा रा हुक्म नी हुन्दा, पर जो तेस पर विस्वास नी करदा, से दोसी बणी गया, इधी कठे कि तिन्हें परमेसरा रे एकलौते मह्ठे रे नांऊँआं पर विस्वास नी कितेया।

होर सजा रे हुक्मा री वजहा येई कि प्रयासा संसारा मन्झ आईरा, होर माह्णुंऐ नह्यारे जो प्रयासे ले ज्यादा खरा मन्या क्यूंकि तिन्हारे काम बुरे थे।

जरूरी आ कि से बढ़े होर हांऊँ घटी जाऊं।

क्यूंकि जो कोई बुराई करहा से प्रयासे किन्हें बैर करहा, होर से प्रयासे रे नेडे नी आऊंदा, एह्ड़ा नी हो कि तेसरे कामा पर इल्जाम लगी जाए।

जो परमेसरा रे मह्ठे पर विस्वास करहा, अनंत जिन्दगी तेसरी ई; पर जो मह्ठे री नी मन्नदा, तेस अनंत जिन्दगी नी देखणी, पर परमेसरा रा गुस्सा तेस पर रैंहयां।”

बौह्त पैहले जेबे इस्राएली लोके जंगला मन्झ परमेसरा रा व्रोध कितेया, तेबे मूसे कांसे रे बणिरे जैहर्ला कीड़ा खम्बे प्र्याहले चढ़ाया। होर जिहां ईं लोके से कीड़ा देख्या स्यों बची गये, तिंहां ईं जरूरी आ कि हांऊँ माह्णुं रा मह्ठा मा भी ऊंचे पर चढ़णा।

बापू परमेसर मह्ठे किन्हें प्यार रख्हा, होर तिन्हें सभ चीजा रा हक तेसरे हाथा मन्झ देई दितिरी।