Popular Bible Verses from Yohanes 16

Паҳн кунед

Péléng niitu méikua-Kuma wia ni kamu, wo un até niou maluasa pahpaan nimaesa karia-Ku. Im wia ung kaayahan kenu ni kamu é mendan an zézéha, taan enté-enté'en un até niou, ni Aku éng kimalamoma ang kawasa wia ung kaayahan.”

Taan sa si Roh Kaulitan itii méyé, ni Sia é mahkit ni kamu i mata'u péléng ang kaulitan. Pahpaan ni Sia zéi'kan mahkua mengiit ung ginenang-Na in esa taan ni Sia é mahkua péléng an tinalinga-Na wia si Opo Empung, wo ni Sia éng kumua wia ni kamu a mamuali witu un endo tumondong.

Makazla in tarékan zéi'kampé' siapa um pinahaléi niou witu u ngaran-Ku. Mahaléiola ni kamu é makailek, wo ni kamu mawuta-wuta u mahpaa-paaz.

Taan ni Aku mahkuama an ulit wia ni kamu: Sa ni Aku mangé, niitupé' um wéwéhan torona im wia ni kamu. Pahpaan sa ni Aku zéi'kan mangé, si Menunulung itii én zéi'kan méyé wia ni kamu. Taan sa ni Aku mangé, ni Aku é matumé ni Sia wia ni kamu. Sa si Menunulung itii méyé, ni Sia é mémapata'u wia sé tou wia ung kaayahan kenu i ni séra én tou simingkéla'. Wo ni Sia kasii é mapata'u wia ni séra i ni Aku én ulit witu u sinaru ni Opo Empung wo kangkasii tumoro kura si Opo Empung in tumotoz ulit kaapa zéi'kan am pahwangunen né tou wia ung kaayahan kenu.

Téntu kangkasii ni kamu, in tarékan un até niou é rumara, taan ni Aku é mahilekan sumaup karia niou, niitumo un até niou é mahpaa-paaz, wo zéi'kan siapa si tou toro méndo u mahpaa-paaz itii im witu un até niou. In endo itii zéi'kan siapa u ligauen niou wia ni Aku. Uli-ulit ikua-Kuma wia ni kamu, péléng am pahaléien niou wia si Ama' én iwéhé-Na wia ni kamu mengiité u ngaran-Ku.

Uli-ulit ikua-Kuma wia ni kamu: ni kamu é mamé' karia i mahkérét, taan sé tou wia ung kaayahan kenu é mahpaa-paaz. Un até niou é marumara taan u rumara un até niou é maéndo mahpaa-paaz.