Popular Bible Verses from Yohanes 14

Паҳн кунед

Ung kaluasan witu un até én itula'u-Kuma wia ni kamu. Ung kaluasan witu un até-Ku én iwéhé-Kuma wia ni kamu. Wo ung kaluasan witu un até u méiwéhé-Kuma itii én zéi'kan masuat karia ung kaluasan witu un até u méiwéhé né wia ung kaayahan wia ni kamu. Tia'mo un até niou masusa wo maindé'.

Kuan ni Yesus wia ni sia, “Ni Akumo si lalan i mangé wia si Opo Empung wo mapata'u ung kaulitan tumoro si Opo Empung wo si mahwéhé ung katou-touan makaz ing kauré-uré. Zéi'kan siapa zozo' in esa si mangé wia si Ama' sa zéi'kan mengiité ni Aku.

Kuan ni Yesus wia sé pahtuzu'en-Na, “Tia'mo un até niou nimasusa, ma'émanola wia si Opo Empung wo ma'éman kasiila wia ni Aku.

Taan si Roh Lenas, si Menunulung, si iatumé ni Ama'-Ku mengiité u ngaran-Ku, ni Siamo si matumuzu' ni kamu péléng am péléng wo mapagenang wia ni kamu péléng a mémoikua-Ku wia ni kamu.

Séi uman si nimakailek um perénta-Ku wo mahwangun niitu, ni siamo si rumaraaté ni Aku. Séi uman si rumaraaté ni Aku, ni sia én ikararaaté ni Ama'-Ku wo ni Aku kangkasii é rumaraaté ni sia wo ni Aku é mangun ni sia i mata'u séi ni Aku.”

Ni Aku é mahaléi wia si Ama', wo ni Sia é méhé wia ni kamu si Menunulung walina, wo ni Sia mengari-ngaria ni kamu makaz ing kauré-uré. Si Menunulung itii é si Roh ung kaulitan. Sé tou wia ung kaayahan é soo sumungkul ni Sia, pahpaan sé tou wia ung kaayahan én zéi'kan mahilek ni Sia wo zéi'kan mata'u ni Sia. Taan ni kamu é mata'u ni Sia, pahpaan ni Sia é menaté-natér ni kamu wo maesa karia niou.

Wo apa uman um pahaléien niou mengiité u ngaran-Ku, niitu ém wanguneng-Ku, wo si Ama' pahloozen wo pahsigi'en mengiité si Oki'. Sa ni kamu wéwéhan um pahaléien wia ni Aku mengiité u ngaran-Ku, niitu ém wanguneng-Ku.”

Kuan ni Yesus kasii wia sé pahtuzu'en-Na, “Sa kamu rumaraaté ni Aku, ni kamu é mangun a méiperénta-Ku.

Im witi walé ni Ama'-Ku é lakez un ento'an. Ni Aku i mangé witu é mamimek un tampa niou. Sa zéi'kan téntu, ni Aku én zéi'kan kumua niitu wia ni kamu.

Sa ni Aku nimangémomé witu wo nimimekomé un tampa niou, ni Aku é méyé sumaup wo mahwali ni kamu mangé witi pahwéha-wéhang-Ku, wo wisa uman un angéang-Ku, ni kamu kasii ém witu.

Ang kuan ni Tomas wia ni Sia, “Tuang, zéi'kan kata'uan nai wisa un angéan-Nu, kura kahuman ni kai mata'u u lalan mangé witu?”