Popular Bible Verses from Yohanes 1

Паҳн кунед

Taan péléng sé tou simungkul ni Sia wo ma'éman ni Sia ém winéhan-Na kawasa i maéndo oki' ni Opo Empung.

Ing kataré-taré, puunala ung kaayahan im winangun, u Nuwu' ni Opo Empung ém wiamo. U Nuwu' ni Opo Empung é mengari-ngaria si Opo Empung wo ni Sia é si Opo Empung in esa.

U sena' itii é mahsena' witu u rimbengbeng wo u rimbengbeng itii én zéi'kan kimawasa u sena' itii.

U Nuwu' ni Opo Empung itii é nimaéndomo tou wo menou-nou im wia ni kita wo ni kita é nimileko ung kawangko'an-Na. Ung kawangko'an-Na itii éng kinailekan-Na pahpaan ni Sia én Oki' esa uman ni Opo Empung. Wo ni Sia én tumuzu'mé i si Opo Empung én ulit wo ni Sia mahtambéré ung kamang wia ni kita.

Peléng am péléng ém winangun ni Opo Empung mengiité u Nuwu' ni Opo Empung. Wo zéi'kan siapa zozo' in esa im wia péléng am winanguno kenu ém winangun sa zéi'kan siapa u Nuwu' ni Opo Empung. U Nuwu' ni Opo Empung itii é mahwéhémé ung katou-touan wo ung katou-touan itii é sena' im wia sé tou.

Masandonamé, si Yohanes nimilek si Yesus méyé wia ni sia. A si Yohanes kumuala, “Ilekena si Anak ni Domba ni Opo Empung, si zuméi' a singkéla' né tou wia ung kaayahan.

Taan un ulitna u sena' itii ém wiamo ung kaayahan kenu wo ung kaayahan kenu ém winangun mengiité ni Sia, taan péléng sé tou wia ung kaayahan kenu zéi'kan mata'u ni Sia. Ni Sia niméyé wia sé tou sé anu-Na, taan sé anu-Na itii é soo sumungkul ni Sia.

Un uli-ulit sena' u mahsena' wia péléng sé tou é mahéyémo wia ung kaayahan.

Pahpaan un ukum Torat é méiwéhé mengiité si Musa, taan ung kamang tatambér wo ung kaulitan é méyé mengiité si Yesus Kristus.