Popular Bible Verses from Mbete Matiye 19

Паҳн кунед

Zezu ko niri zi̧h bale, ke ɓahri : « Káɓ ke ɔkna le mba nzuk pirmatul. Ŋgerzah mí mah ɓay hi̧ nzuk kaɓ ke ɔkna. »

ku ɓa nzukri seɗe mba. Wara le ku ɓa nzuk ké mbew yaŋ. A a̧w ké Ŋgerzah mbu̧h niri ɓa nzuk pirmatul mbew ra, nzuk ɓá kehr niri ya. »

Zezu ba, ɓahri : « Ke titilu da̧y ké Ŋgerzah laɓ nunmbam ke tusiɓa ra, ke laɓ nzuk pirmatul ɓa wo̧ronzuk ke wu̧ynzuk. I ki̧-ki̧, kaŋ ya le ? » Ke el ɓahri se : « Sa̧wu mí wo̧ronzuk ɓay poŋ bah ye ke mah ye. Ku yá̧ hani ke wu̧y ye. Ku ɓa nzuk ké mbew

Zezu ba, ɓahri : « Í poŋ gunri ɓá gi ta̧w bi. Í gboh gina woyri ya, ɓayu ké lák mbay a nunmbam na ɓay sam gun a kandɔkayri. »

Kandɔkaw mí daɓa nzukri ké ƴo pol ɓay el si sar fal mgbaɗ. Daɓa nzukri ké ƴo fal ba, ɓay kal ma pol.

Nzuk a suŋ suŋ gbam ké poŋ sa̧w ye, yi̧n yeri, in yeri, bah ye ke mah ye, gun yeri, waka yeri ɓay tul riŋ ɗina bi le, ke ɓay ya̧ fe baah ké ɓa ɔkna a ké na sew ke sew ɓa ŋgɔh. Fe ziŋna ye ɓay ro sɔɗ kal nzuku a pol.

Dale Zezu ɓah hi̧ ni ɓahri se : « Mu yih ɓay ƴo tul bolkusol gbam ke gelu ɓa nzuk pirmatul ké eŋ Ŋgerzah kandɔk ké-e laɓ ra le, mú si fa̧h fe ziŋna wori, mú yeh. Mú wal lari-u hi̧ ko̧hkori. Mu ɓay ziŋ suki a nunmbam ŋgi̧ mbamba. Fal walu dale, mú el gi dih fal bi. »

Mí ke ɓah hi̧ ni ɓahri : « Ani mú-u vbi mi ɓay tul ɓay fe suki le ? Fe suki mbew yaŋ. Mu yih ƴo ke ɔkna sew ke sew ɓa ŋgɔh le, mú ƴo tul ɓayri ké-e ŋga̧h ziŋ ziihri. »

Mi el ɓah hi̧ wuri ra ɓáy, ɓay hi̧ zɔŋzɔŋ ɓá rih lɔkɔ bahtal ti̧h ra, gelu kpuh ya. Mí ɓay hi̧ nzuk va̧na ɓá hi̧ Ŋgerzah lak mbay ké tul ye, gelu kpuh mbamba. »

Mi ƴo ɓah hi̧ wuri ɓahri se, wu̧y ti̧h mbi wo̧ro a ɓoru ya, mí wah ye ni̧h ni mgbum mí el ya̧ wu̧y a ɓoru soh gelu le, salɓay nunpuki ta tul nzuku. »

Mí Zezu el ɓah hi̧ nzuk-dih fal yeri ɓahri : « Law nzuk fe ziŋna ra kuŋ ni kuŋ gaŋ. Mi ƴo ɓah hi̧ wuri ɓahri se, kpuh mbamba ɓay hi̧ nzuk va̧na ɓá hi̧ mbay ké nunmbam ɓá lak mbay ké tul ye.