Popular Bible Verses from Sant Jan 19

Паҳн кунед

Quand Jèsu aguè pres lou vinaigre, diguè: Tout es acoumpli. E clinant la tèsto, rendeguè l'esperit.

Acò fa, Jèsu, sachènt que tout èro acoumpli, pèr qu'uno paraulo de l'Escrituro s'acoumpliguèsse mai, diguè: Ai set.

Jèsu aguènt dounc vist sa Maire, e, contro elo, lou disciple qu'éu amavo, diguè à sa Maire: Femo, vaqui voste fiéu. Pièi diguè au disciple: Vaqui ta maire. E, partènt d'aquelo ouro, lou disciple la prenguè dins soun oustau.

Quand vers Jèsu pièi arribèron, e que lou veguèron deja mort, noun ié roumpe-guèron li cambo. Mai un di sóudard em'uno lanço ié durbiguè lou coustat; e autant-lèu n'en sourtiguè de sang e d'aigo.

Dóumaci, acò s'es fa, pèr que l'Escrituro fuguèsse acoumplido: Ié roumprés pas un os. E autro part l'Escrituro dis peréu: Veiran Aquéu qu'an trafiga.

E, carga de sa crous, éu venguè à l'endré que ié dison lou Calvàri; en ebriéu Golgotha.

E li sóudard, trenant uno courouno d'espino, la boutèron sus sa tèsto, e l'engimbrèron d'un mantèu de pourpro.