Popular Bible Verses from Sant Jan 15

Паҳн кунед

Iéu siéu la souco; vautre, li vise. Aquéu que demoro en iéu, e iéu en éu, cargo que-noun-sai de frucho; car sènso iéu poudès rèn faire.

Demouras en iéu, e iéu demourarai en vautre. Coume lou vise noun pòu pourta fru d'esperéu, se noun isto uni à la souco, ansin vautre nimai, se noun demouras en iéu.

Se demouras en iéu, e qu'en vautre mi paraulo rèston, demandarés tout ço que voudrés, e vous arribara.

Noun es vàutri que m'avès chausi, mai iéu vous ai chausi vautre, e vous ai establi pèr que vous avancés e qu'adugués de fru, e que voste fru rèste; pèr que, tout ço que demandarés au Paire, éu vous lou baie.

Res pòu avé 'n amour mai grand que de douna sa vido pèr sis ami.

Tout vise qu'en iéu noun porto fru, éu lou levara; e tout vise que porto fru, éu lou poudara, pèr que doune de fru encaro mai.

Eiçò 's moun coumandamen: que vous amés lis un lis autre, coume vous ai ama.

Acò 's la glòri de moun Paire que pourtés abord de fru, e que devengués mi disciple.

Iéu siéu la vigno veritablo, e moun Paire es lou vigneiroun.

Se quaucun noun demoro en iéu, lou boutaran deforo coume lou gavèu, e se secara; pièi lou rabaiaran, au fiò lou jitaran, e brulara.

Vous ai di aquéli causo, pèr que ma joio siegue en vautre, e que vosto joio se devine coumplèto.

Se gardas mi coumandamen, demourarés dins moun amour, coume iéu-meme ai garda li coumandamen de moun Paire, e demore dins soun amour.

Ço que vous coumande, es que lis un lis autre vous amés.

S'erias dóu mounde, lou mounde amarié ço que sarié siéu; mai sufis que sias pas dóu mounde, e que vous ai chausi dóu mitan dóu mounde, pèr acò lou mounde vous a en òdi.