Popular Bible Verses from Juɛl a pwɔdɛn tɛ Mak 13

Паҳн кунед

Ɔci ma lonyɛ ɣɛke ti nɛ penyɛn tɛ yintɛ Ya: dalɛ minɛ a yaddɛ a yannɛ, eke yuɔdɛ dokɛ.

Waŋ tiicɛ, cocɛ tɛɛtɛ ɔci cɔkɛ Juɔŋ a Tolɛn ti: ɣoŋ a nɛnɛ kwiyɛ ɣɛke.

Ɔci tɛ ɣɛke edɛ ma gadiya ti, ɔci ɣɛke mwugɛn kan, na bwɔdɛ bɛ tha juɛl akɛ gwɔgdɛn: tɛ ɣoŋ a nɛnɛ juɛl a gwɔktɛ ballɛ tɛ ɣɛke akɛ gɔktɛ: minɛ a gɔktɛ a ɣɛke bɛ, a minɛ Boŋ a Bɔwɛn.

Puɔlɛ nyalɔ yakɛn tɛra akɛ badɛ: ɔci juɛl Ya aŋkɛ badɛ bɛ.

Ɔci ɣoŋ a nɛnɛ ɔci car a nɛnɛ nhijɛn minɛ bɛ, kwiyɛ makɛ enjel nyalɔ daŋkɛn, kwiyɛ Kacɛ Juɔŋ a Tolɛn, aŋkɛ nhijɛn Wegen parɛ.

Ɔci tɛ ɣɛke tiŋdɛ lakɛ ballɛ, ɔci juɛl lakɛ ballɛ, na yumgɛn yaidɛ bɛ: dalɛ nɛnɛ agdɛ bɛdɛn; ɔci tɛra badɛ min bɛ.

Aŋkɛ cocɛn tɛɛtɛ, tɛ ɣoŋ ban wegen dɔktɛn nhijɛn ɣɛke bɛ; kan eke bɛyɛ tɛ ɣoŋ ɣocɛn, walɛ bɛdɛn tɛ wɛn ji, walɛ bɛdɛn tɛ kɔkɛ lilkɔ, walɛ bɛdɛn tɛ lidɔ; aŋkɛ bɛdɛn liedɛ eke mɔktɛn ɣɛke wicɛn. Ɔci juɛl a gwɔŋɛ Ya ɣɛke ti Ya gɔkjɛ ma ti wakɛnda: Cocɛ tɛɛtɛ.

Ɔci ma a ciɛlɔ jɔŋdɛ nhogdɛ makɛ pokɛn, ɔci ken a ciɛlɔ nhogdɛ kɛn a pokɛn: ɔci tɛra noŋdɛ wupɛ tɛ non a coŋɛn; ɔci konyɛ bɛdɛ tɛ bunkɛ a coŋɛn: nɛnɛ akɛ jɔcɛn tɛ yanɛn.

Ɔci juɛl a pwɔdɛn tɛ Yecu Kitho akɛ myinɛn tɛ ma bunkɛ warɛda.

Makɛ coŋɛn bɛdɛ tɛ yintɛ Ya, gɔktɛ, Ya a minɛ; ɔci makɛ a coŋɛn edɛn ɔntɔ amam.

Waŋ tiicɛ tɛ wakɛ ɣɛke: ma muktɛn ɣɛke ɔci ɣɛke edɛn agdɛ noŋdɛ gadiya; ɔci ɣɛke dwɔdɛn tɛ cinagog; ɔci ɣɛke akɛ yɔdɛn tɛ mudir nyamɔ ti ɔci melek nyamɔ ti tha Ya, aŋkɛ ma gɔrcɛ jithɛ ballɛ ɣɛke ti.

eken bɛnɛ ta Juɔŋ a Tolɛn, ɔci makɛ noŋdɛ nebi tɛ labjɛn, ɔci noŋdɛ wakɛ a tɛyɛn, aŋkɛ ma punɛn, ɔci ma edɛn ɔntɔ amam, ɔci noŋdɛ mugdɛ makɛ yowɛrnɛn Juɔŋ a Tolɛn.

Tɛ ɣoŋkɛ a nɛnɛ, tɛ yanɛ badɛ, ɣoŋ waŋ akɛ ɣolɛn, ɔci pan akɛ diɛgdɛ bɛ, ɔci keltɛn dɛmɛn ta nyalɔ, ɔci wakɛ tɛyɛn ballɛ nyalɔ noŋdɛ wupɛ.