Popular Bible Verses from Saint Marc 13

Паҳн кунед

Da yé njoukouli bon ma jèk oui baï toul ling ni, da kè on ko̱ mi laïbi pou ta bo̱ltèn sèkèrèkè, yé kè ma kou.

Oui ènrèn mone baï bèlta, oui zèng, ka hiou Ouone; baï ko̱ ouime tane ga tou namkè ya.

Da ko̱ klime ya oui ka souti oui guè guèl walabaï, oui tane bi hang baï toul fènli ti dambèl baï sanakè ya, ka kèrè kong ba yé oui ma sa ba fèn lé ya, da fèn on ko̱ mi tèn gui bil njaka baï ka l’heure o̱kèo̱, oui sa on; baï ko̱ tane ti ba ouime ko̱ sa ya, da ba Saint‐Esprit.

Yé nonkala tèn koukoula ma ta, da baïnjaka nili ba tana tane tiya.

Da baï an name o̱kèo̱ tèn l’heure o̱kèo̱ njoukouna mbéo mi tane tou ya, yé angeli an nonkala tou ya, tèn Goune, bo̱l ba Baba fènè ka ho̱kè.

Da ko̱ ouime la tiri rouna béré, tèn tiri hidinafèn béré, mone baï mi tane hou mbi ya, yé fèn aïnli ma gui; da tane ga ti ba sèkèrèkè mono ya.

Mono on, oui zèng, baï ko̱ oui tane tou namkè ko̱ nanjou voulou mi gui ya, tongna ka bèlaléou, maléba ka hangnachoung loukou, maléba ka kanaka a kaka, maléba ka guèlapélé; baï ko̱ tokoré kème gui gata, kème ko̱ oui an toul name ya. Da fèn aïn ko̱ mème sa hi oui, mè sa hi ba njoukouli bon: Oui zèng.

Baï ko̱ yé pime pouli ma ourou siya baï pongna pime pou afékéli, da bilkaou ma ourou siya baï pongna pime pou afékéli; da yé koukoula ma to̱ an guèl an hanali, da bana ma ba pou. Fèn aïnli ba titili fèn hina go̱ro̱ séta.

Yé kli ma sa mboura bèlabaï hi pime pouli bon mane ti dambèl da.

Yé njoukouli nyèta ma gui ka bil ling ni, ka sa ba: Mè mini. Da kli ma mong njoukouli nyèta.

Da oui ènrèn mone baï; baï ko̱ yé kli ma souti oui bi ndo̱ka njou‐walabaïli, da yé kli ma jo̱ oui an bil synagogueli; da yé oui ma o nona njou‐name gangnali tèn nanjoukaouli baï touli, ko̱ ba sana bongbaï hi kli.

Baï ko̱ yé wo̱ko̱ christli, da wo̱ko̱ prophèteli ma tèn gui, da kli ma nding fèn to̱ko̱nakèli tèn fèn sakamli, baï an klime mong kli on ko̱ Ouone mi wal kli bi, tokoré klime mabongkè.

Da ka name o̱kèo̱, sèkèrèkè fèn to̱ko̱nassé on, séssé ma féré tèn yirikè, da féou ba chana tane tiya, da yé mèssèli ma ta lé gui tiya ka nonkala, da njèranli, on ko̱ na nonkala ma to̱.