Popular Bible Verses from Yokana 15

Паҳн кунед

“Ango en olok; wun en ajange mege. Ngat kame dong i ango di ada ako dong i en, ngat nono en kame bino nyako anyakini atot. Pien likame itwerunu timo gimoro abongo ango.

Dongunu i ango, ada ako dong i wun. Bala kite kame ajange likame twero nyako kede anyakini en kene, kwanyo ka edong i kom olok, kamanono da, wuda likame itwerunu nyako anyakini wun kenu, kwanyo ka idongunu i ango.

Ka idongunu i ango, di kop na da oko dong i wun, ibinunu kwano gikame imitunu di ikounu udo.

Wun likame iyeranu, do ango ayero wu ako cwano wu be poore iotunu di ikounu nyako anyakini, doko da be, anyakini wu poore bedo nakanaka, tetekeny Papa mi wu gimoroni kame ikwaenu i nyinga.

Likame tie amara kame dano moro tie kede kame dwong kalamo man, kame dano yei jalo kede kuo mere pi jowote.

Ajange dedede kame tie i koma di likame kinyako anyakini, en elwero gi tenge; ajange dedede kame tie di kinyako anyakini, en etemuno gi, tetekeny kinyak nyige atot kalamo.

Cik na en ine be, marerenu kenu kenu bala kite kame ango amaro wu kede.

Papa udo deyo ka wun inyakunu anyakini atot di ikounu doko josiao na.

“Ango en olok me ateni, doko Papa na en kame ngapur.

Ka dano moro likame odong i ango, kouce bala ajange di eko tuo; di oko coko ajange nogo oko uco gi i mac kiko wang.

“Ango awaco ne wu gi nogi tetekeny kilel na bed i wun, kede tetekeny ibedunu kede kilel kame romo.

Ka igwokunu cik na, ibinunu dong i amara na, bala kite kame ada agwoko kede cik ka Papa na di ako dong i amara mere.

Gikame ango aciko wu iye en ine be, marerenu kenu kenu.

Ka koto di oudo wun ibedunu jo me piny, koto piny omaro wu bala jo mege, do pien wun likame ibedunu jo me piny, do ango ayero wu ki piny, manono en komio piny ni dagi wu.