Popular Bible Verses from Lúkɑ́shi 13

Паҳн кунед

«Pʉʉ lɔ́ɔ shʉ́ pɔ nɛtɔ́k nǔu ntsundɑ́ ẅi ɛ́ kʉ́ʉpɛ kʉ́ʉbɛ́nɛ. Pʉʉ jí sʉ́Ꞌnɛ ŋɡɔ pʉɔ tɛ ńzɑ́ɑ ɡɛ ńdɑ́Ꞌ ńdɔ́ɔ nɛkúu tsɛtú lɑ́ ḿbɛn ŋ́kɛ́ ḿbɔɔ kuꞋ.»

Wɛcɔ́ mɑŋɡɛ́ pɔ́ yɛ́ zúꞋu, mbɔ ɛ́ ɡɛ ŋɡuꞋ ntsɔ̌pɛ́nɛ́fɔ́m nɛ́ nɛɡɛ́m pɑ́Ꞌ yɛcɔ́ zẅikŋɛ kɛpɔŋ kɑ ɡẅɛɛnɛ wɛ́ ḿbʉ̈ɔ́Ꞌ ŋkwɛn yɛ́. Tɛ wɛcɔ́ nɛpɛn ḿbʉꞋ mbʉʉ yɛ ńtʉ́ʉ tʉ́ʉnɛ pɔɔ ɡú pɔ́. Yɛ́su jʉ́ɔ wɛ́, ɛ́fúŋ wɛ́, ńcú mbɔ̌ wɛ́ ŋɡɔ: «Gɔɔ yú yɔ ḿmɛ, ɔ luk!»

Ńcú pɔ́Ꞌɔ, ńzɑ́p mbɔ́ mɛ́ tú-mɑŋɡɛ́ ɛ̂wɑ́. A ɡɔ́ɔ ḿbʉꞋ mbʉʉ yɛ ńtʉ́ʉ ndʉ́ŋndʉŋ, ŋ́ɡúꞋlɛ Sɛ́.

Pʉʉ jí ŋɡɔ pɛcɔ́ pɑluŋmbi ŋkɔ̂ɔnɛ ɡɛ ńdɑ́Ꞌ ńtsʉ́Ꞌ pɑ́ lẅiknzʉʉ, pɛcɔ́ pɑ́ lẅiknzʉʉ ŋkɔ̂ɔnɛ lɑ́Ꞌ ḿbɔ́ pɑ́ luŋmbi.

Ŋkɑ́ ɡɛ ńdɑ́Ꞌ ŋ́kuꞋ, ŋɡɑŋndɑ́ lɔ sɛ́ ńjʉ̈ɔ́Ꞌ ntsundɑ́, pʉʉ pi pʉʉ pɛ́t píi lɑ́, pʉʉ zɛ nɛpúꞋ ntsundɑ́, ḿbɔ́ ḿbúꞋ mbɔ́ mbɔ̌ wɛ́ ŋɡɔ: «Tsɑpʉɔ, tsɔ́Ꞌ ntsundɑ́ pɛk kúu ndɑ́. Lɑ́, ɑ cú mbɔ̌ pʉʉ ŋɡɔ: Ŋ kɑ́ pɔ́ ńjí pʉɔ pinɛ pʉʉ pɛ́t pɔ́!»

Ŋɡɑ́ŋ, ɛ́ kɑ́ pɔ́ nu pɔ́. Pʉʉ lɑɑ ŋ́kɛ́ ḿbɔɔ kúpmɛ wʉʉ mɑt pɔ́, mbɔ pʉʉ ɡɛ ḿpfútɛ yʉ́ʉ pɔ pɑ́Ꞌ pɔ́p.»

Lɑ́, ɑ pɛn ńcú mbɔ̌ pʉʉ ŋɡɔ: «Ŋ kɑ́ pɔ́ ńjí pʉɔ pinɛ pʉʉ pɛ́t pɔ́. Pʉʉ fú ntsundɑ́ mɔ ŋ́ɡʉtɛ, pʉʉ ɡɑŋmɛzɛm!»

Yɛ́su pɛn ńcú ŋɡɔ: «nɛfɔɔ-Sɛ́ pɛꞋnɛ ḿbɔ́ pɑ́Ꞌɑ, ḿbɔ́ n dɔk kʉ̈ɔ́ ḿbɛ́ɛ fʉꞋ? Ɛ́ ɡɔ́ɔ ɛ́fí pɔ yɛcɔ́ ntɛ́ nɛsɑɑ-sɛ́súk yi ŋu kɑ pɛ́ɛnɛ ḿmɑꞋ ŋkɑ́Ꞌ yɛ́, ɛ́ ɡɛ sɑ́Ꞌ, ŋ́ɡúꞋ, tɛ ńtsʉ́Ꞌ tʉ́, ńtɔ́k mbɔ́ mɛ́, pɛshʉ́ŋ tɔ́ ḿbɑ́Ꞌ mɛŋkɑɑ mɔ́p tsɛt pɛpɔ́ pɛ́.»