Popular Bible Verses from Lúkɑ́shi 11

Паҳн кунед

Pʉʉ pʉɔ fʉꞋ nu kɛpɔŋ tɛꞋ, lɑ́ ńjí nɛɡɑ́ yúu sʉ́Ꞌnɛ mbɔ̌ pɔ́ɔ pʉ́ʉ. Tɛ ŋkɑ́ yɛ́sʉ́Ꞌʉ́ nǔu Tɑ̌ɑ wʉʉ ẅi ɑ tʉ́nɛ́pú? A ɡɛ ŋ́ɡɑ́ Zẅikŋɛ Lɛ́ɛnɛ́nɛ mbɔ̌ pʉɔ pinɛ pɔ́p lɔ́ɔnɛ?»

Ɛ́ pɔ́Ꞌɔ lɑ́ ɛ sẅíi wʉ́ʉ ŋɡɔ: «Pʉʉ lɔ́ɔ, Sɛ́ ɡɛ ŋ́ɡɑ́ mbɔ̌ pʉʉ. Pʉʉ lɔɔ, Sɛ́ ɡɛ ŋ́ɡɛ pʉʉ jʉ́ɔ. Pʉʉ púꞋtɛ ntsundɑ́ ɑ ɡɛ tsɔ́Ꞌ ŋ́ɡɑ́ mbɔ̌ pʉʉ.

Jínɛ ŋɡɔ ŋu lɑɑ ńdɔ́ɔ yúu, mbɔ pɛ́ ɡɛ ŋ́ɡɑ́ mbɔ̌ wɛ́, ńdɔɔ, mbɔ ɑ ɡɛ ńjʉ́ɔ, ḿbɛn ḿbúꞋtɛ ntsundɑ́, mbɔ pɛ́ ɡɛ tsɔ́Ꞌ ŋ́ɡɑ́ mbɔ̌ wɛ́.

Yɛ́su ɡɔ́ɔ ŋ́kɛ́ ńcú mbɔ̌ ɡɑŋku pɛ́ ŋɡɔ: «Pʉʉ lɑɑ ḿbɔ́ ńcɛꞋlɛ Sɛ́, pʉʉ cú ŋɡɔ: Tɑ̌ɑ wɛk, ɡɛ ŋɡɔ pʉɔmɛsɔŋ jí ŋɡɔ ɑ ndɑꞋ ɡu ḿbɔ́ Sɛ́, ḿbɛn ŋ́ɡɛ nɛfɔɔ nú tɔ́

likŋɛ mɛnu kɛpɔŋ mɛk ŋ́ɡɑ́ mbɔ̌ pɛk, mbíꞋŋɡɔ pɛk sɛ́ ńdikŋɛ yɛk ŋ́ɡɑ́ mbɔ̌ pʉɔ pinɛ pɔ́p fɑɑnɛ́nɛ nu mbɔ̌ pɛk lɑ́. Kɔɔ pɛ́m ŋɡɔ pɛk kúu tsɛt ŋkwɑꞋnɛ.»

ḿbɔ́ lɛ́Ꞌ tsʉʉ, ŋ́ɡɑ́ yɛk yúu jʉ́ yi ɛ́ ɡɛ kuꞋ nǔu pɛk lɔ́Ꞌnɛ

Mík mú mbɔ̌ ɡu ḿbɔ́ pɑ́Ꞌ kyɛꞌ yi ɔ lɔknɛ ńjʉ́ɔ zʉꞋ. Mík mú lɑɑ ḿbɔɔ sʉ́ʉ, ḿbɔ́ ɔ ɡɛ ńjʉ́ɔ zʉꞋ sʉ́Ꞌnɛ. Lɑ́ mík mú pɛn ḿbɔ́ tɛ sʉ́ʉ, mbɔ ɔ ɡɛ ńtsʉ́Ꞌ ḿbɔ́ pɔ tsɛt nzɛ́nzʉ́ʉ.

Pɛ́ kɑ́ lyɛt kyɛꞌ pɑ́Ꞌɑ nɛɡʉ ńtík zʉꞋ lʉɔmɛ́nɛ pɔ́, [ḿbɛn ḿbɔɔ kɛ́ ńdyɛt tɛ ɛ́ kuꞋ pɛ́ tíi luŋɡɑ́ɑ ńdɔk ŋ́kẅíipɛ pɔ́.] Pɛ́ lyɛt kyɛꞌ, ńtíi ńtík pɔ ndǔ tɑ́pɛlɛ, zʉꞋ yi ɛ́ ŋɑ́Ꞌnɛ́nɛ nɛ́ tʉ́, nɛpɔ́ yi pʉɔ ɡɛ ŋ́ɡɔ ŋ́kúu ndɑ́, ńjʉ́ɔ ɛ́ pɔ́ ŋ́kyɛꞋ zʉꞋ.