Popular Bible Verses from LUKA 23

Паҳн кунед

Go Yesu e naga, Mama, p̃a madeada midoakikoro e; nalakena eu da atae tea waina eu mari a mau. Go eu dum̃ada madeada p̃otae sugoro aneana maga sarasara ra, po nadi ki gole maga.

Go e noa ki nia, e naga, Lomau a noa ki‐go, Masoso p̃a wo sikoti au doko Paradeiso.

Go e naga, Yesu, p̃a midoaki nau ragi waina p̃a wo umai namarakiana anigo.

Go ragi waina Yesu e pioso sua ki nadaleo kasua, e naga, Mama, a pitua ki naatagu paki nam̃elearum̃a maga: go ragi waina e noa sua tea wanogoe, e maro dua ki namerona.

Go ragi waina eu rumai paki tokora waina e pei tea sosoana ki Nagarai, eu duri a tokora wanogoe nakau valadagoto, nara ma tea mari naleo sa dua wanogoe eu mamau, sikai e du taleva ni matua go kerua e du taleva ni mawiri.

Go e alagoro pei aura kelatesa, go namaligo e pakilina pa usuraki maramana mamau pa pa paki aura keloveti namarama ni elo e makoto: go nakulukulu taugoro p̃otae ni nasum̃a tapu e pei tea p̃oraeana m̃aleoputo kakana.

Go ragi waina senturio e punusi tea waina e pei tea mariana, e samasamani Sup̃e, po naga, Lomau tea waia e pei naatam̃oli leana.