Popular Bible Verses from YOANE 15

Паҳн кунед

Kinau a pei vaine, nimu ku pei arana maga: tea waina e doko au doko, go kinau a doko asa doko, nae e dau p̃arua ki nawana: nalakena ku pe masale ki nau ku pe ta mari atae mari te navatuna sikai mau.

Kuga toko au doko, go kinau aga toko mu doko. Dapala waina ara e pe ta doko vaine doko mau, e pe ta mari atae dum̃ana dau ki nawana mau; dapala nogoe nimu, ku pe ta doko au doko mau, ku pe ta mari atae dau mau.

Ku pe toko au doko, go navasaana aginau maga eu pe toko mu doko, kuga tatago tea waina ku pe masauna, go ega wo manimu pei tea mariana.

Nimu ku da matadoa au mau, ma kinau a matadoa mu, po dawona ki mu, naga nimu kuga vano po dau ki nawa, go naga nawamu ega tu: naga tea waina ku pe wo datagovi Tamagu asa pae nagisagu, ega tua mu asa.

Nadodomiana waina e p̃arua liu tea waia te naata sikai e da peani a mau, naga naata sikai ega magi tana ri maga doropusi namauriana aneana ega madoko.

Sara ara waina eu doko au waina eu da dau ki nawada mau, e dape lua ra: go sara ara waina eu dau ki nawada, e mari pakasa ki da, naga euga dau p̃arua ki nawada.

Natip̃akiana aginau e pei tea waia, naga kuga tum̃amu dodomi mu, ega tapala waina kinau a dodomi mu.

Tea waia Tamagu e pei tea samasamaniana asa, naga kuga tau p̃arua ki nawamu; go kuga wo pei tea vasapiseikiana aginau maga asa.

Kinau a pei vaine lomau, go Tamagu e pei tea wosiwosi natano.

Te naata sikai e pe ta doko au doko mau, e pe vei tea nadikiana paki etaku dapala ara sikai, go e kokolo; go eu pila daua ki da, po nadi ki da paki nakapu, go eu pei tea tap̃arakiana.

A po pasa ki mu tea maga wanogoe, naga nalaelaeaana aginau ega toko mu, go naga nalaelaeaana animu ega vei tea vakavuroana.

Ku pe rogo paratiki natip̃akiana aginau maga, ku pe wo doko nadodomiana aginau doko; dapala waina kinau a dogo paratiki natip̃akiana maga ki Tamagu, po doko nadodomiana aneana doko.

A dip̃a ki mu tea maga wanogoe, naga kuga tum̃amu dodomi mu.

Ku pe vei tea ni maramana, maramana e pe dodomi tea aneana: ma nalakena ku da pei tea ni maramana mau, ma kinau a matadoa mu m̃elu dua ki maramana, nalakena tea wanogoe maramana e pilosi mu.