Popular Bible Verses from Matthew 5

Паҳн кунед

Se hai tama e hakaura te lamu no uhi i raro te kumete; e meia te lamu raa e me ki hakatootoo i aruna ki maahina i hare raa ki kkite na tama hakaatoa. Kootou hoki ki hakamaahina i mua na tama hakaatoa pera ma he lamu; ki kkite na tama raa na mee taualleka kootou e ppena raa, tena na tama raa e me ki hakammaha te Tamana kootou i te vaelani raa.

“Kootou e ssau pera ma ko te maahina na tama hakaatoa i te maarama nei. Te matakaina e tuu i aruna te mouna raa se lavaa te lluu ria.

Na tama e ttonu i na hatu manava laatou raa e me ki hakatapu ria; na tama naa e me ki kkite TeAtua!

Na tama e hihhai roo ki ppena na mee TeAtua e hihai raa e me ki hakatapu ria; TeAtua e me ki kou ake na mee roo hakaatoa i na tama naa.

Emeia te saaita nei anau ku meatu kootou: laoi na tama e kiri lloto kootou raa, tena ku lotu ma na tama e mee kootou ki hakalono llihu raa

“Na tama na anana laatou raa e matanaennae raa e me ki hakatapu ria; te Hakamaatua ana i te Vaelani raa he kina na tama naa!

Na tama e hehekau ma ki too te noho laoi raa e me ki hakatapu ria; TeAtua e me ki kanna na tama naa pera ma ni tamalliki Aia!

Na tama e ppari raa e me ki hakatapu ria; TeAtua e me ki mee hakaraoi na tama naa!

Na tama e hakalono llihu e mee laatou e ppena hea TeAtua e hihai raa e me ki hakatapu ria; te Hakamaatua ana i te Vaelani raa he kina na tama naa!

Na tama e manava alloha alaa tama raa e me ki hakatapu ria; TeAtua e me ki hai aroha na tama naa!

Kootou ki hihhia te saaita na tama e haru haeo, tena ki kou atu na hakalono llihu, tena ki hatuhatu na tattara malliu i kootou e mee kootou e tauttari Anau. Kootou ki hihhia roo, maitaname te tuhana e rahi raa e moe ma kootou i te vaelani. Na profet i mua kootou raa ni too na hakalono llihu peenei hoki.

Na tama e laumarie raa e me ki hakatapu ria; na tama naa e me ki too na mee TeAtua ni tattara mai raa!

“Kootou e sau pera ma ko te sol na tama hakaatoa i te maarama nei. Emeia kame te sol raa ku se mmara, akoe ku se lavaa te mee te sol raa ki mmara hakaraoi. Te sol raa ku haeo, tena ku peesia i aho ki oo ake na tama no lakalaka vaa aruna.

Kootou ki ttonu tahi e ssau hoki pera ma te Tamana kootou i te vaelani raa e tonu tahi.

Mee koi peeraa, ‘Noo’ seai naa, mee peeraa ‘Seai.’ Ni mee hoki peeraa akoe e ttapa, aanaa ni hakataakoto koi e oo mai te tama sakkino raa.

“Kootou ni llono na tattara nei i mua, ‘Kame akoe e ttuki te karemata anau, anau e me ki ttuki hoki te karemata akoe, Kame akoe e kkoti te niho anau, anau e me ki kkoti hoki te niho akoe.’ Emeia te saaita nei anau e meatu kootou: auu se taui muri te sara teeraa tama e ppena i akoe. Kame he tama e ppaa te patikauvae te vahi laaua akoe raa, tiaki aia ki paa te patikauvae te vahi se laaua raa hoki.

Kame te karemata te vahi laaua akoe raa e mee akoe no hai sara, tena kkope te karemata naa i taha no peesia! E tauareka roo te peesia he paa kina te tinotama akoe naa i taha, ka oti te tinotama akoe naa hakaatoa ku lletua i roto te ahi. Kame te rima laaua akoe raa e mee akoe no hai sara, tena ttuu te rima naa i taha no peesia! E tauareka te peesia he paa kina te tinotama akoe naa i taha, ka oti te tinotama akoe naa hakaatoa ku lettua i roto te ahi.