Popular Bible Verses from ỌMWỤ ỌDADA 22

Паҳн кунед

Ebiraham wụrụ ẹnyị nya ọgbọdọ ọọwa yẹkẹẹ, “Amkpaa ri Ọngọ họ ọbaba ha ọngịnyị ehe họọ myị.” Ịnyị a du ká angịnyị kaa kpa ya pyịyọọ daalẹ yẹkẹẹ, “Ohe Oluhye ayịdang a ri Ọngọ họ ọbaba nya ọngịnyị ehe họọ, u-uhye nya ọgbọdọ nya Amkpaa lẹ.”

Ohe Oluhye byoo yẹkẹẹ, “Ebiraham, kele ká hu ọnyị nyang olookpokpo, Ayịsiki ọlẹ kọ háng lụmẹ, ká kpọọ kele ká nwọọ, ká hwoo kịla iya ọ-rụ ila ham am Ohe Oluhye u-uhye nya ọgbọdọ ọhẹ ọ-ọpyị nya iMoriya mẹ. Ụka ká pwụ ụ-ụwa kpá, m ka mẹ ọgbọdọ ọlẹ ká ka ka jẹng.”

Ịnyị lẹ, olegu-ẹrụ ọwẹ a wẹ yẹkẹẹ, “Ebiraham, ba chịng mẹ. A nwụ Ayịsiki ọnyị nyang ọwẹ lee ọ-họọ abwaabwọhẹ kokoo! Ebiraham, wo mẹ! Am ayịdang ri ibeenu jẹ yẹkẹẹ, ahụ Ebiraham ri ọngọ ju Ohe Oluhye nyang ihi lụmẹ lẹ, chajị Ayịsiki ọnyị ọlẹng nyang olookpokpo ọwẹ á kọng ẹhị la o-hu kpa ka kịla iya ha Ohe Oluhye kpong-kpong kaka.”

Ebiraham wẹ byi Ayịsiki yẹkẹẹ, “A chuko ka, ọnyị nyam. Ohe Oluhye ayịdang ka hu ọnyị ọkpịlọ ọlẹ kahị ka kpa kịla iya họọ hahị la ịlọmwụ kpá.” Ịnyị lẹ, ịwa angị imimiiye a juwa rụ ka ẹga ọlẹ kị juwa jẹ ka lẹlẹ.

Am Ohe Oluhye ka wahị kụrụng lụmẹ-lụmẹ. M̀ ka họ ká anyị ịtụma nyang ka pyẹ ju iru lala ịdịchụ iluhye-ọgba lee lala apwụ bala amẹ. Anyị ịtụma nyang ka kụrụ aluji nyaa chẹẹchẹẹ, ye ọpyị nyaa wuu la. M̀ ka wahị kụrụ anyị ịtụma nyang lụmẹ-lụmẹ gbee ká alepwoja ịkịla la datị-datị nya odehe ọlẹ wuu ka juwa bịlẹm am Ohe Oluhye yẹkẹẹ, Am nyị wahị kụrụ ịwa ịnyịnyị lala anyị ịtụma nyang mẹ. Am Ohe Oluhye a ya ịnyị chajị nyọlẹ kaahụ Ebiraham ju ihi nya ẹla ọlọnụ nyam lẹlẹ.”

Ụka kọ nọ chẹẹ, Ohe Oluhye tịtọ kọ ka ma ọmyịmyị ọlala nya Ebiraham yẹ. Ọọwa, Ohe Oluhye a be ẹkọ wụrwọọ yẹkẹẹ, “Ebiraham ee!” Ebiraham myị ẹkọ yẹkẹẹ, “Ayịbahị, am lẹẹ.”

Ahyaahị ká Ebiraham juwa ka nwụ Ayịsiki lẹ, olegu-ẹrụ nya Amkpaa Ohe Oluhye ọhẹ a be ẹkọ ya ẹla gboo ta Ebiraham bwu epwoohe yẹkẹẹ, “Ebiraham, Ebiraham!” Ebiraham myị ẹkọ yẹkẹẹ, “Am lẹẹ ẹgẹlẹ.”

Olegu-ẹrụ ọwẹ myịmyị be ẹkọ ya ẹla ta Ebiraham ụka oheeye bwu epwoohe. Ọ byi Ebiraham yẹkẹẹ, “Amkpaa Ohe Oluhye nyị yẹkẹẹ, am Ohe Oluhye a wẹẹ ya ẹla tang lẹ. Am jam kpa ẹnyị nya ịlọm am Ohe Oluhye nwa iro hang alẹ lẹ. Ang odudu nya ọọwa ri chajị nyọlẹ ká ọnyị nyang olookpokpo Ayịsiki ọlẹ kọ háng lụmẹ, á kọng ẹhị la o-hu kpa kaka kịla iya ham am Ohe Oluhye ka.

Ụka ká Ebiraham bala Ayịsiki pwụ ẹga ọlẹ ká Ohe Oluhye byaa, Ebiraham me ogidi ọlẹ kọ ka kịla iya ọọwa. Ọ mwụ ịwụ guru ụ-ụwa, ọ wu Ayịsiki ọnyị nyamwụ, chị ori mẹnẹ-mẹnẹ lẹ, ọ hwoo nụwa u-uhye nya ịwụ nya iya ọkịlakịla ọọwa lẹlẹ.