Popular Bible Verses from Yohanes 10

Паҳн кунед

Yokolo holona ro miyae domba yokore baenatere honatere, nane merau bekore mokonaimibondere eimewate. Nebei wanen mbai nauwa Wali Ondofolore ame-ame elate ro miyae hiwa yo naei hila rabo bekore mokonaimibonde naeise eimewate. Nebeibe Raei are hakonaisele yo wali hena bona nane merau wali na foi sele moi sele enaiyaronde naeise Reyae mekale.

“Reyae domba yoni-yonire na foi yae holamaele Kiyaere yeubokale. Domba yoni-yoni hole moloremibonderene Raei uwa kinyeremibonde.

Raei domba holona yo Raei a faeukore boraise. Reyae nebei yore raemaele nane merau Raei moisa hakaisele.

Nebei holona ro miyaere Reyae wali hena bona yaemaele, beko eibei nekenayende. Hi yae ha yae nebei ro miyae Raei mera einyukeisai sului.

Reyae niyae na romau. Nde yae domba fale romaufa eise eyeisi wanen mae Allahle ro miyae holore Raei walora enduwende menensinde kiyaere Reyae hole molorembonde. Domba romaufa moise aibaleke ke fau foinye eraman enanende wanen mae Raei kelaemaele a walora ro miyae wali foi hubanainyele.

“Reyae domba yoni-yoni na foi yae holaemaele kiyaere yeubokale. Maeko Rare ro roufe nane merau Reyae Maekore ro ranale. Nebei mekai mbai domba yoni-yonire Reyae ro ramaele nane merau nebei domba yoni-yoni Rare ro raise. Nebei domba yoni-yoni na wali hole moloiboise Raei uwa yae kinyeumibokale.

Maeko nebei holonare kinyeufeboke Kiyae ehameikoi sului, nane merau hi yae ha yae nebei ro miyae holonare Maekole me eisa enukeisai sului. Rangkele Maekole nanembainye nekende.”

“Reyae domba yoni-yoni na foi yae holaemaele kiyaere yeubokale. Maeko Rare ro roufe nane merau Reyae Maekore ro ranale. Nebei mekai mbai domba yoni-yonire Reyae ro ramaele nane merau nebei domba yoni-yoni Rare ro raise. Nebei domba yoni-yoni na wali hole moloiboise Raei uwa yae kinyeumibokale.

Ro miyae hi yae ha yae Raei wali mera enukeisai sului, Raei kena kale hului yae kinyamale. Maeko elae ikeufe. Nebei elae walora Reyae na hului Raei wali kinyerebonde, nebeisa benen roufele. Nebei naeise Maeko a ukeufe.”

Nebei aerene benen Yesus weumi, “Nda a na helebe wamale, domba nekate falena romau Reyae Niyae.

Ro miyae hiwa roise abunende naeise domba yoni-yoni kayaare hebate. Nebei wanen ro miyae han bele yoku mende erenainyelene, nebei domba yoni-yoni nukenaimibonde na fere habelenayende. Nebei han bele yoku domba yoni-yonire yokunende, here ware bonaimile.

((Yesus Naei me kelee u keleene nekate ro miyaere ei haweumi naeise kelemmibondere obo yoku dombane ahuneuboke.)) Yesus nda wanen mae huwoumi, “Reyae na helebe mare wamale, nde domba nekate fale eise na romaufa eyeisi, nebeibe nibi hira enensindena, nebei kiyae na hele yoko ro yoko miyae.