Popular Bible Verses from MATTHAI 2

Паҳн кунед

Im khuila kuun u tih camawca oen a manu Meri te a huh u vengah khuklu oen cuengkueng u tih buekuep ruila ahih te a bok u. A khuen u kutdo khawhbu te a awng u tih sui, frankinsen oen mura te a peek u.

Herod he Sengpahrang la a awm vengah Judia ram Bethlehem khawpui ah Jesuh tah thang, Adiw raih thlan ah aisi aka noek thai thlaang khatsut khawlaw ben kalawng Jerusalem la law u tih. “Judah sengpahrang la aka awm ham camawca te meah a awm? Ahih kah aisi khawlaw ben ah a thoeng te ka huh u tih ahih te bok hamla ka law” tila a doet u.

Herod lawng a tina angla cet u tih khawlaw benkah a huh u aisi te a huh koep u vengah awmngaih u tangkiik. Ahimi haiah aisi lawng cet tih camawca a awmna huen a pha ah duem.

Pathen lawng ahimi te Herod tengla mel koep nawh ham a mang ah ngaithuen awl a thui pe dawngah lawngpui tloe kalawng amah ram la voei koep u. Ahimi a ceh coengah, Bawipa kah vanthlaang pakhat Josep mang ah a tueng pe tih, “Herod lawng camawca te ngawn hamla a tlap poen ai. Tedawngah tho lang camawca oen a manu te lo langtah Iyipt ram la pooeng puei loeih, kai lawng mel koep ham kavan thui thlantoe te ah awm uh,” a tina.