Popular Bible Verses from Nʋnʋkpli 2

Паҳн кунед

ꞌPiɛlɩ na: A yibo aꞌba ꞌꞌnyinynidɩ ꞌꞌyi ꞌbho -Lagɔꞌɔ ꞌꞌyigbeyi ꞌle a ꞌke ɔ gbo ꞌꞌbhiti ꞌle aꞌba nyɔꞌꞌo nyɔ ꞌke *batizee-ɛ ꞌle Zezii *Kliisɩꞌa ꞌnynɩ ꞌmʋ ꞌle -Lagɔ ꞌke aꞌba ꞌꞌnyinynidɩꞌa dɩ ꞌbhɔ ꞌbho ꞌɔ ꞌꞌyigbeyi ꞌle ɔ ꞌke amʋ ꞌɔ Lisaazuzu ꞌꞌnyɩ.

Ʋn-ʋ ꞌwɔn-ɔ *Zeziiꞌa -dalbhomʋꞌa -tɔtɔlɩ ꞌmʋti ꞌle ʋn-ʋ kpʋn ꞌɩ ꞌꞌyi ꞌle ʋn-ʋ ꞌꞌduduꞌo, ꞌle ʋn-ʋ bheteꞌe gbo, ʋn-ʋ li nɩꞌe ꞌwa liliɛ -daluea ƆFa 2 42 Zeziiꞌa -antanyɩgwlidemʋ ꞌmnʋ, -bho ʋn gwɛ -dalueliɛ ꞌꞌyi ꞌle ʋn-ʋ liꞌe ꞌwa kpɔcɛliliɛ -lrɛɛ ꞌle Zeziiꞌa ꞌnynɩ ꞌmʋ. ꞌKa-a ʋn-ʋ nʋꞌo.

ꞌle *-Lagɔꞌɔ Lisaazuzu ꞌye ꞌwa ꞌwee ꞌmʋ ꞌꞌyi ꞌle ʋn-ʋ ꞌkpaꞌa ꞌbho ʋn-ʋ poꞌo ꞌꞌsesiwlu ʋn seꞌa yibo. -Lagɔꞌɔ Lisaazuzu po ꞌɩ ʋ wɔn ꞌmʋ.

ꞌBho -gbaa -lue ꞌmʋ lɛ -lue ꞌwlʋ-o ꞌle yaku ꞌli, ɛ-ɛ klu-oꞌo -ka -bibie ꞌle ɛ ꞌye ꞌle -budu -ke ꞌli ʋn -nɩꞌa pa. Ɛ paꞌa ꞌle a, nyʋ ꞌwee ꞌwɩn -ɩ ꞌbɔ, ꞌle, lɩ -ke nɛꞌɛ -wlewle gʋgɔꞌɔ, ʋn ꞌye ɩ liꞌye. Ɩ zɩzaꞌa-a li -lue -lue, ɩ ꞌye -ka ʋn -dieꞌa ꞌmʋꞌa ꞌꞌlru ꞌli ti-de ꞌꞌcrɛcrɛ!, ꞌle *-Lagɔꞌɔ Lisaazuzu ꞌye ꞌwa ꞌwee ꞌmʋ ꞌꞌyi ꞌle ʋn-ʋ ꞌkpaꞌa ꞌbho ʋn-ʋ poꞌo ꞌꞌsesiwlu ʋn seꞌa yibo. -Lagɔꞌɔ Lisaazuzu po ꞌɩ ʋ wɔn ꞌmʋ.

-Ka zɔꞌꞌo zɔ zɩꞌa a, -ka *-Lagɔꞌɔ wɔngbopoɛꞌɛ ꞌyrʋ nyniꞌa ꞌbho, ꞌka-a ʋn-ʋ ꞌgbʋʋꞌo ꞌꞌlru ꞌle *-Lagɔꞌɔ bʋbɔbhlegbo ꞌle -naagɩ -lue ꞌmʋ, ꞌle ʋn-ʋ pleꞌe ꞌwa ꞌꞌbhlegbo ꞌꞌyiti, ꞌle ꞌbʋbʋa -ke -pɔlʋ -lue ꞌmʋ ʋn-ʋ li nɩꞌe -dalue. Ʋn-ʋ ꞌbhɛɛ-ɛ -Lagɔꞌɔ ꞌnynɩ ꞌꞌyi ꞌle nyʋ ꞌwee -ybhɛ ꞌnʋ ꞌmʋ, ꞌle -aꞌba -Kɔyi Zeziiꞌa wɔnkuɛ ꞌmʋ, nyʋ-ʋ ꞌpʋnꞌa ꞌbho -Lagɔꞌɔ ꞌꞌyigbeyi, ꞌle ʋn-ʋ ꞌkpaꞌa ꞌꞌkpi zɔꞌꞌo zɔ.

A -gblee, lɩ-ɩ ꞌyeꞌa ꞌle *-lebhɔɔnɔɔ ꞌli -yi mʋ, -ka -Lagɔ ꞌlɛꞌɛ ɛ, ꞌkla-a ꞌka-a: Ɔ na: ꞌƖn-ɩ ꞌye-e *ꞌan Lisaazuzu nyɔꞌꞌo nyɔ ꞌmʋ -po -mʋ. Aꞌba ꞌꞌklumʋꞌa nyukpasi -ke ꞌnynʋkpakpɩ-ɩ ꞌye-e ꞌan wlu ꞌmʋti-za -mʋ. ꞌꞌYritiyeɛɛ-ɛ ꞌwlʋꞌa ꞌle ꞌɩn gbo, aꞌba ꞌbhʋabhʋayreetɩ-ɩ ꞌye -ɛ ꞌye -mʋ ꞌle ꞌɩn ꞌke aꞌba nyunyuzɩgɩ yayri ꞌꞌnyɩ. ꞌKla-a ꞌɩn-ɩ ꞌye -nʋ mʋ.

Nyʋ ꞌwee ꞌma-a Zeziiꞌa ꞌꞌgwlidemʋ a, ʋn-ʋ kpʋkpʋn-o ti ꞌle ʋn-ʋ plɛꞌɛ ꞌwa -kɔkɔlɩ ꞌmʋ. -Ka ʋn-ʋ nʋꞌa, ꞌka-a ꞌka-a: Nyʋtɔlʋ-ʋ ꞌpo-o ꞌwa -kpɩɩ ꞌpɛlʋ, -lrʋʋ-ʋ ꞌpo-o ꞌwa -kɔkɔlɩ ꞌpɛlʋ ꞌle ʋn-ʋ bhɩbhɛ nʋꞌo ꞌya mɔni ʋn-ʋ ꞌyeꞌa ꞌꞌyi, ʋn-ʋ ꞌgble ɩꞌo ꞌle ɩ-ɩ nyni ꞌʋ ꞌꞌyi -lue -lue.

-Ɛ ꞌnyaaꞌa -laa ꞌle ɛ ꞌke -nɔɔ ꞌmnɛ -yɛ ɛ, nyɔꞌꞌo nyɔ -yɔ paꞌa ꞌɩnmɔ aꞌba -Kɔyi li, -mnɔɔ ꞌpʋn-oꞌo ꞌbho ꞌan ꞌꞌyigbeyi.

ꞌMʋsisrikuyre-e ꞌyeꞌa -kpʋn mʋ, nyɔ -see ꞌyrʋꞌa ꞌꞌyigba ꞌye yi, ꞌle ꞌcʋ ꞌke ꞌmʋtizaan -ka nymɔ ke-ɔ, ꞌle, -nɔɔklagba -ke -nɔɔ ꞌwee seꞌa gʋgɔ ꞌɩnmɔ aꞌba -Kɔyi ꞌꞌduꞌa see, ɛ ꞌke nyni.