Popular Bible Verses from Génesis 11

Паҳн кунед

Chantá pay nerqa: Runakunaqa uj parlayniyojlla kaspa, kunan sumaj ujchasqa kashanku. Ruwayta qallarinkuña, chayraykutaj ruwayta yuyasqankuta mana pipis sayachiyta atenqachu. Chayrayku urayk'uspa, parlayninkuta pejturparimunachej ama entiendenakunankupaj, nispa.

Chaymantataj ninakorqanku: Kunanqa uj llajtata, janaj pachaman chayaj torretawan ruwanachej. Ajinata ruwaspa, noqanchej manchay uyarisqa kasunchej, manataj kay pachaman ch'eqerasunchu, nispa.

Chay cheqapi Tata Dios kay pachapi tukuy runaj parlayninkuta pejturparerqa, chaynejmantataj paykunata tukuynejman ch'eqeracherqa. Chayrayku chay llajtaj sutin Babel karqa.

Chaypacha tukuy runaqa uj parlayniyojlla karqanku.

Tata Diostajrí runakunaj ruwashasqanku llajtata, torretawan qhawarej urayk'amorqa.

Ajinata Tata Diosqa tukuynejman runakunata ch'eqeracherqa, chayraykutaj paykuna llajtata ruwashasqankuta saqerqanku.